Пятница, февраля 07, 2025
Важное

Январень 14-це чистэ Республикань Кудонь Покш залсонть ютавтовсь торжественной промкс, конась алтавсь Россиянь Печатень чинтень.

Мордовиянь Прявтось Артём Здунов ёвтась поздоровт эрьва кодамо профессиянь ломантненень, конатнень вейсэнди те кенярксчись. Те журналистт, редакторт, издательть, полиграфистт – весе, кить эсь важодемаст вельде теить кулянь вейкине пространстванть, кемекстыть общественной повестканть, лездыть ломантненень получамс каршо валт сехте талновтыця кевкстематнень лангс. Истя жо региононь Прявтось тешкстызе СМИ-тнень эрявиксчист обществанть эрямосо ды кемекстызе, журналисттнэнь профессиональной важодемаст лезды властентень эрязасто редямс ды решамс пшти кевкстематнень, лезды республиканть касомасо-виевгавтомасо.

Коень коряс СМИ-нь сехте вадря важодицятне тешкставсть покш казнесэ. Истя жо ёвтавсть журналистэнь конкурстнэнь изницятне. «Эрзянь правда» газетань прявт редакторось Марина Девятова изнясь «На лучшее освещение темы по проведению в Российской Федерации Года семьи» конкурссонть. Кармась II-це степенень лауреатокс.

Весемеденть седе келейстэ ловнодо газетань сыця номерстэнть.

Фотось МР-нь

Прявтонь пресс-службанть.

О ГАЗЕТЕ "ЭРЗЯНЬ ПРАВДА"

Газета Эрзянь правда в настоящее время издается один раз в неделю на 16 страницах, четыре из них в цвете. Газета широко отражает вопросы общественно-политической, социально-экономической, культурной и духовной жизни республики, публикует международную информацию. «Эрзянь правда» распространяется в Оренбургской, Пензенской, Самарской, Ульяновской, Нижегородской областях, в республиках Татарстан, Чувашия, Башкортостан. Вместе с тем, для эрзян России вот уже не один год успешно функционирует электронная версия газеты, которую можно в настоящее время читать в Интернете. В этом большая заслуга всего редакционного коллектива газеты «Эрзянь правда».