Равчирень федеральной округсо ушодовсь вайгелень максомась сехте вадря граффити-важодевксэнть кис. Тедедень «ФормART» стрит-артонь фестиваленть лемезэ – «Шканть пачк» («Сквозь время»).

Мордовиянть пельде фестивальсэнть ёрокчинзэ невти Ангелина Волкова «Эрьзя» важодевксэнзэ марто, конась ней аравтозь Косаревень ульцянь ды Эрьзянь бульваронь киулосонть. Вайгеленть мереви максомс октябрянь 23-це чис 8(800)301-50-23 номерганть, гайневтемась питневтеме. Вайгелень максомань туртов номерэсь – 3.

«ФормART» фестиваленть бажамокс ашти – ульцянь искусстванть виевгавтомась, од художниктнень шкинемантень лездамось, оштнень, велетнень мазылгавтомантень мелест явовтомась. Сонзэ участниктне – 18 – 35 иесэ ПФО-нь профессиональной художниктне ды те тевенть вечкицятне. Сынст эскизтнэ явовить вете ёнксонь коряс:
«Художественные промыслы и ремесла», «Многонациональность и этнокультурное многообразие ПФО», «Историческое и культурное наследие», «Традиционные художественные образы в современной стилизации» ды «Этнокультурный футуризм».

Стрит-артонь фестивалень цётамотне яволявтовить ноябрянь 2-це чистэ formartpro.ru сайтсэнть онлайн-невтеманть шкасто.
Тедедень пелькстамонь призэнь фондонть покшолмазо – 450 тёжат целковойть. Васенце таркань саицянтень максовить 200 тёжат целковойть, омбоце – 150 тёжат, колмоце тарканть кис максовить 100 тёжат целковойть.