Вторник, марта 19, 2024
Важное

 
2000 иень июнень 8-це чистэ саезь минек масторсо тешкстави социальной роботникень чись.
Тень коряс И. М. Яушев лемсэ музыкальной театрасо ютась кенярксчинь промкс, ков сакшность республикань социальной сферасо важодицятне. Неть: Социальной защитань, занятостень центрань роботыцятне, лавшо шумбрачи марто ды сыре ломантнень мельга якицятне ды седе тов.
 
Лембе валонь ёвтамо сынст туртов сакшность МР-нь Правительствань Председателесь В. Н. Сидоров, МР-нь Государственной Собраниянь Председателесь В. В. Чибиркин, МР-нь Социальной защитань, трудонь ды занятостень министрась И. В. Князьков.
 
– Социальной защитань важодицятнень ламо тевест – эрьва кодат пандомат, льготат, субсидият, лездыть инвалидтнэнень, эйдетненень, кить понгсть зыянс. Яксить кудова, максыть лезкс. Сынст профессиясь аволь шожда, теке марто пек эрявикс. РФ-нь Президентэнть кармавтоманзо коряс виевгавтозь ламо эйкакшонь триця семиятненень лезксэнь максомась. Теде башка, те иень мартсто ушодовсть эрьва ковонь од пандомат – 8-17 иесэ эйкакштненень. Покш тевть топавтовить «Демография» нацпроектэнть лувсо. Минек ёнксонь эйкакш марто семиятненень явозь малав 900 млн целковойть, – пачтясь В. Н. Сидоров.
 
Башка валт эряви ёвтамс государстванть ёндо вейке лезксэнть – социальной контрактонть коряс. Те – стака шкасто ломантненень лездамось. Ломантне муить лия важодема тарка, одс тонавтнить, панжить эсест тев эли эсь подсобной хозяйства. Тедеде республикась сёрмадстсь зярыя ёнксонь коряс малав 1,5 тёжат социальной контрактт.
 
Неявикс таркасо ашти сыре ломантнень мельга якамось, сыненст мелень явомась. Эрьва иестэ социальной услугат максовить малав 40 тёжат ломаннень. Эрьва кодамо кевкстемань коряс важодить 55 консультационной мобильной бригадат, конат лездыть сыретненень. Важодицятне рамсить ломантненень ярсамопельть, ормаменькст. 
Эряви меремс, «Старшее поколение» федеральной проектэнть лувсо рамазь 32 автомобильть. Сынст эйсэ велень эрицятнень (кинень 65 иеде ламо) усксить медучреждениява, косо сынь ютыть диспансеризация, вакцинация.
 
Те кенярксчисэнть Мордовиянь социальной роботниктне казевсть покш лемсэ, Почётной грамотасо, Благодарностьсэ. Истя жо сынст туртов государственной филармониянь артисттнэ невтсть мельстуиця концерт.
 
Татьяна Маторкина

О ГАЗЕТЕ "ЭРЗЯНЬ ПРАВДА"

Газета Эрзянь правда в настоящее время издается один раз в неделю на 16 страницах, четыре из них в цвете. Газета широко отражает вопросы общественно-политической, социально-экономической, культурной и духовной жизни республики, публикует международную информацию. «Эрзянь правда» распространяется в Оренбургской, Пензенской, Самарской, Ульяновской, Нижегородской областях, в республиках Татарстан, Чувашия, Башкортостан. Вместе с тем, для эрзян России вот уже не один год успешно функционирует электронная версия газеты, которую можно в настоящее время читать в Интернете. В этом большая заслуга всего редакционного коллектива газеты «Эрзянь правда».