Вторник, марта 19, 2024
Важное

Ютазь оймсема читнестэ республикань зярыя районтнэсэ ульнесть «Шумбрат, Мордовия!» республиканской фестивалень-пелькстамонь концертт ды выставкат.



Субутасто киштсь ды морась Орданьбуень районось. Тесэ кенярксчинь фестивалесь ютавтовсь райононь Культурань кудосо. Эряви меремс, ваныцятнеде сакшность ламо. Залось пешксель. Концерттэнть икеле уш весень мельёжост кепедизь выставкасонть пурназь райононь кедьчелькевтнень роботаст. Тесэ ульнесь весемесь. Лелят-ялакст Михаил ды Олег Бодровтне невтизь фанерасто лия ёнов а молиця теевкстнэнь. Вакссост Уваровтнень семиясь. Андрей Уваров (минь сонзэ ланга сёрмалинек) – содавикс бондарь, Нина низэ – тикшень пурныця.

Някат, оршамот, конёвонь ды чувтонь теевкст, артовкст… Кедьчелькевтненень таркась эзь сатно весе роботатнень невтемс.
Ды вана ушодовсь концертэсь. Шумбрачинь вал марто пурнавозтненень пшкадекшнесь МР-нь Культурань, раськень политикань ды архивень тевень министрань полавтыцясь Александр Карьгин. Сон арсесь весенень паро мельёжо! Орданьбуень тейтертне аволь ансяк мазыйкат ды превейкат, истя жо ёроковткак. Невтизь раськень ды неень шкань киштематнень, гайгиця вайгелест, конатне токшить ойменть.

Виктория Кондратьева «Мама» моросонть токинзе весень, ламотнень тукшность сельведест. Цёратнеяк эйстэст эзть явово. Киштитькак вадрясто, стихтькак ловныть ды морытькак аволь седе беряньстэ. Алина Назарова, Александр Алтушкин ды Егор Котов ловность стихть минек солдаттнэнь лемс.
Мероприятиясь ютась пек вадрясто.

Теке жо чистэнть фестивалень отчётной концертэсь ульнесь Отяжелень районсо.
Недлячистэ «Шумбрат, Мордовия!» фестивалень «С Россией в сердце» концертэнь программанть невтизе Кочкуровань районось. Творческой коллективтне, киштицятне, морыцятне ды декоративно-прикладной выставкань кедьчелькевтне эсь шкинемаст невтизь райононь Раськень культурань ды ремеслань куншкакуросо.

Эряви ёвтамс, од ломантненень фестивалень концерттнэс мереви молемс «Пушкинской картанть» вельде. Билеттнэнь миемга пурназь ярмактнень кемекстазь максомс республикань мобилизованнойтненень.

О ГАЗЕТЕ "ЭРЗЯНЬ ПРАВДА"

Газета Эрзянь правда в настоящее время издается один раз в неделю на 16 страницах, четыре из них в цвете. Газета широко отражает вопросы общественно-политической, социально-экономической, культурной и духовной жизни республики, публикует международную информацию. «Эрзянь правда» распространяется в Оренбургской, Пензенской, Самарской, Ульяновской, Нижегородской областях, в республиках Татарстан, Чувашия, Башкортостан. Вместе с тем, для эрзян России вот уже не один год успешно функционирует электронная версия газеты, которую можно в настоящее время читать в Интернете. В этом большая заслуга всего редакционного коллектива газеты «Эрзянь правда».