Вторник, марта 19, 2024
Важное

Январень 14-це чистэ Республикань Кудонь Покш залсонть ютавтовсь торжественной промкс, кона алтавсь Россиянь Печатень чинтень. Мордовия Республикань Прявтонть Артём Здуновонь пельде массовой информациянь средстватнень важодицятненень поздоровт ёвтась региононь Правительствань Председателесь Владимир Сидоров.


Сон ёвтась сюкпря журналисттнэнень ютазь иестэ покш ды эрявикс мероприятиятнеде домкасто ёвтнеманть кис, конатнень ютксо Кочкамотнень вейкине чись, зярдо Мордовиясо кочкавсть Республикань Прявтось ды эрьва кодамо уровенень депутаттнэ. Истя жо Ине Изнямонь 76 иетне, «Монь Мордовиям» кадровой проектэнь ютавтомась ды Эрицятнень Весероссиянь сёрмадстомась.
Владимир Сидоров тешкстызе региононь ды районтнэнь СМИ-тнень покш ды эрявикс роботаст коронавирусонь кезовонть шкасто.

– Покш сюкпря тенк ломантнень марто важодеманть кисэ прививкань путоманть коряс, медиктнень а шожда важодемадост, здравоохранениянь системанть лангс празь стакачитнеде ёвтнеманть кисэ, сень кисэ, што видестэ пачтиде сеть ёнкстнэде, конат тевс нолдавсть, штобу седе шождалгавтомс эрямонть ковидэнть шкасто, – мерсь республикань Правительствань Председателесь.
Владимир Сидоров башка тешкстынзе раськень кельтнесэ лисиця газетатнень ды журналтнэнь, ёвтась сюкпря важодицятненень эрзянь ды мокшонь кельтнень ды культуранть ванстомаст-виевгавтомаст кисэ.

2022 иентень премьер-министрась важодемань прявт ёнксокс ёвтынзе волонтёронь движениянь виевгавтоманть, национальной проекттнэнь эрямос совавтоманть, историянть, койтнень-кирдатнень ды культуранть ванстомаст, туризманть, инфраструктурань ёнкссонть кевкстематнень ванноманть.

– Те иесь Республикань Прявтонть мелензэ коряс Мордовиясо ёвтазь Предпринимательской инициативань иекс. Тынь пек лездатадо, бути эсь медиа-площадкатнесэ вадрясто невтьсынк республиканть, ёвтнетядо минек явовтыця ёнкстнэде, мезесь лезды тердемс ды велявтомс Мордовияв профессиональной кадратнень, – мерсь Владимир Сидоров.

Ламо лембе валт журналисттнэнь лемс ёвтась Мордовия Республикань Прявтонь ды Мордовия Республикань Правительствань Администрациянь прявтонь полавтыцясь Елена Башкирцева.
– Покш сюкпря тенк профессионализманть ды лия ёнов амолеманть кисэ. Ульнесь покш меленек течинь мероприятиянтень тердемс седе ламо ломанть. Ансяк кезовонть шкасто тень теемс а шожда. Минек жо весе икеле. Васняяк, ансяк весе улевельть шумбрат! – мерсь Елена Васильевна.

Торжественной промкссонть коень коряс явшевсть государственной казнеть ды ёвтазельть Мордовия Республикань Прявтонь журналистэнь пелькстамотнень изницятне. «Эрзянь правда» газетась кармась омбоцекс «ИнтоНАЦИЯ» пелькстамосонть. Васенце таркась максовсь «Вайгель» радиопрограммань коллективентень, колмоцесь – «Мокшень правда» газетантень.

Эряви меремс, казезтнень ютксо – омбоце классо тонавтницясь Виктория Васильева, кона «Мельтнень-бажамотнень топавтыця куз» благотворительной акциянть юрсо бажась ванномс, мезе те телевидениясь. Сонзэ мелезэ топавтовсь – Виктория кармась «О том о сём» программань ветицякс «НТМ» телеканалсо.

Анокстызе Юлия ЕРЕМИНА
https://sun9-37.userapi.com/impg/zGbq_6Lj3ELG5p4bcrASxTN-y_MXCIRHWBSSUQ/0FJZwLZcgnc.jpg?size=403x604&quality=96&sign=2a5a3df66d066186e05fe1814dcee5d9&type=album");">

О ГАЗЕТЕ "ЭРЗЯНЬ ПРАВДА"

Газета Эрзянь правда в настоящее время издается один раз в неделю на 16 страницах, четыре из них в цвете. Газета широко отражает вопросы общественно-политической, социально-экономической, культурной и духовной жизни республики, публикует международную информацию. «Эрзянь правда» распространяется в Оренбургской, Пензенской, Самарской, Ульяновской, Нижегородской областях, в республиках Татарстан, Чувашия, Башкортостан. Вместе с тем, для эрзян России вот уже не один год успешно функционирует электронная версия газеты, которую можно в настоящее время читать в Интернете. В этом большая заслуга всего редакционного коллектива газеты «Эрзянь правда».