Вторник, марта 19, 2024
Важное



А.С.Пушкин лемсэ библиотекасо ютась «Печатная эволюция» онлайн-форматсо регионъютконь пресс-круиз.

Тенень явсть мель минек республикань СМИ-тне ды Пенза, Киров, Калуга ёнксонь библиотекатне. Истямо промксонть анокстызе библиотекань внешней коммуникациянь ды социокультурной тевень отделэнь прявтось Л.Н.Наркаева. Тесэ вейсэнь покш кортамо мольсь печатной периодической изданиятнеде, сынст ловныцятнеде, кода СМИ-тне невтить пряст ды важодить Интернет-пространствасо.

– Минек республикань А.С.Пушкин лемсэ Национальной библиотекась ютавты ламо эрьва кодат вастовомат, покш тевть. Кеместэ важодтяно СМИ-тнень марто. Свал арсетяно ды важодтяно вана мезень лангсо: кода теевемс малавиксэкс ловныцятнень марто, седе сеедьстэ сынь сакшновольть минек фондтнэс. Паро коекс теевсь ютавтнемс БиблиоВеть ды Искусствань веть, – кортась вастовоманть ушодкссто библиотекань прявтось А.В.Бакулина. Валонзо коряс, Ине Отечественной войнасо Изнямонь 75 иетненень библиотекась аноксты невтемс сеть изданиятнень, конат нолдавсть войнань шкане.
Теде мейле Сюкпрянь сёрмасо казевсть СМИ-тне, конат сёрмадыть ды ёвтнить библиотеканть эрямодо. Сынст ютксо тешкстазель минек газетаськак.

Кода содатано, эрзятнень ды мокшотнень покш пельксэсь эри эрьва кодамо регионга. Кода пачтямс изданиятнень лия ёнксов – те кевкстемась стака. Секскак меельце шкане «Эрзянь правда» ды «Мокшень правда» газетатне кеместэ кармасть важодеме Интернетсэ. Материалтнэ путовить сайтс, теде башка – соцсетень куротнесэ. Тень вельде муевить од ловныцят.

– «Эрзянь правданть» лопанзо улить «ВКонтакте», «Одноклассники» ды «Фейсбук» соцсеттнесэ. Чиде-чис тов совсить ламо участникть. Панжовсь од сайтэнек. Кемтяно, истя минь мутано од ломанть, од ловныцят. Сынст туртов ютавттано розыгрышт ды акцият. Свал арсетяно, кода кецявтомс ловныцянок, – пачтясь «Эрзянь правдань» прявт редакторось Марина Девятова.

Эрзянь ды мокшонь кельсэ лисиця изданиятнеде домкасто ёвтнесь А.С.Пушкин лемсэ библиотекань национальной ды краеведениянь литературань отделэнь ветицясь Н.В.Бочканова. Кода кортась Надежда Владимировна, «Сяткось», «Мокшась», «Чилисемась», «Якстерь Тяштенясь» ветить покш тев тиринь келенть ды культуранть ванстомасо. Сынь нолдтнить кода содавикс писательтнень, истя жо од автортнэнь произведенияст. Журналтнэ а аштить ве таркасо, полавтыть изданиятнень, арсить од рубрикат, мазылгавтыть дизайнонть.
Вал сайнесь библиотекань периодической изданиятнень отделэнь прявтось А.И.Маврина, сон ёвтнесь Россиянь периодикадонть, конань вешить ловныцятне.
Татьяна МАТОРКИНА

О ГАЗЕТЕ "ЭРЗЯНЬ ПРАВДА"

Газета Эрзянь правда в настоящее время издается один раз в неделю на 16 страницах, четыре из них в цвете. Газета широко отражает вопросы общественно-политической, социально-экономической, культурной и духовной жизни республики, публикует международную информацию. «Эрзянь правда» распространяется в Оренбургской, Пензенской, Самарской, Ульяновской, Нижегородской областях, в республиках Татарстан, Чувашия, Башкортостан. Вместе с тем, для эрзян России вот уже не один год успешно функционирует электронная версия газеты, которую можно в настоящее время читать в Интернете. В этом большая заслуга всего редакционного коллектива газеты «Эрзянь правда».