Неть читнестэ тиринь газетась якась инжекс Дубенкань райононь Орданьбуе велень школав. Тосо ютавтовсь «Свал гайгезэ эрзянь келесь» лем ало лембе вастовома. Сонзэ лувсо ютась эрзянь келень тонавтыцянь семинарось. Теде башка, школасо тонавтницятне инжетненень невтсть мельстуиця концерт.
Аламодо евтнетяно школанть историядонзо. Дубенкань райононь Орданьбуе велесэ церьковась панжозель 1864 иестэ. Комсь иень ютазь сонзэ юрсо кармась важодеме церковно-приходской школа. Тосо васенце тонавтыцякс ульнесь Евлампия Григоровская. Владимир ялаксозо служась священникекс. Церькованть яжизь ды 1929 иестэ тарказонзо панжсть ловномань кудо. Школась ульнесь вейке классонь, мейле ваксозонзо тейсть пристрой, теевсь кавто классонь. Ламо иеть ютасть се шкастонть.Течи Орданьбуень школась эри. Сонзэ ловить велень оймекс. Школасонть важодить ероков тонавтыцят, конатне кастыть Россиянь алкуксонь геройть. Нама, тесэ кортамось моли Давид Малыйкиндэ. Весе содасызь, Героесь чачсь ды тонавтнесь Орданьбуесэ. Сонзэ тонавтыцянзо, ды целанек велень эрицятне, аштить покш каштанчисэ од церанть кувалма.
Вана уш омбоце ие школань прявтокс важоди Алена Владимировна Еряшева. Сон теке велень. Тонавтнесь М.Е. Евсевьев лемсэ МГПИ-нь филологиянь факультетсэ. Кемготово иеть важодсь Орданьбуе велень администрациясо. Ней покш мельсэ эсь тевензэ топавты школасо. Мероприятиянть ушодоманзо икеле минь аламодо кортынек школань прявтонть марто. Сон нурькинестэ евтнесь, кода молить тевтне тиринь школасонть.– Минек школасо кодгемень вейке эйкакш. Аволь умок кармасть усксеме шабра Петровка рузонь велестэ тонавтницят. Тосо школанть пекстызь, эйкакштне ютасть миненек. Коллективсэнть кемготово тонавтыцят. Минек тесэ эрьва важодицясь – сырнень ломань. Школасонть ули весе эрявикс оборудованиясь: тонавтыцятнень икеле ноутбукт, класстнэсэ мультимедийной проекторт. Ули столовоенек, спортзалонок, актовой залонок ды музеень нупаленек – сынь Социальной центрасонть, конась ашти кинь трокс. МР-нь Госсобраниянь депутатось А.И. Поздняков лездась тенек: рамась спортинвентарь, сокст, ютазь иестэ казсь футболсо налксицятненень форма. М. Н. Подмарев депутатось лездась теемс Россиянь Героенть Давид Малыйкинэнь лемс вадря стенд, сон ашти сехте неявикс таркасо, – мельспаросо евтни Алена Владимировна.Алкукскак, Орданьбуе велень школань коридорга ютамсто мелеть сеске кепедеви – тесэ весемесь теезь паро ладсо, од технологиятнень коряс. Ломантнеяк тесэ важодить оймень путозь. Вейкесь ансяк талновты – неень шкань эйкакштне овсе а путыть мель тетянь-авань келень тонавтнемантень. Чарькодеви, эрьвась эйстэдест школань прядомадо мейле бажи туемс эрямо ды важодеме ошов, мезекс кадовомс велес? Ды, бути бажат туемс тиринь велестэ, а мезекс тонавтнемс эрзянь келентькак, ошсо ялатеке весе кортыть рузкс. Тень кувалма эйкакштнень тетяст-аваст вишка порасто саезь тонавтыть эйсэст кортамо рузкс. Илязо кирде тякась визьксчи рузонь ялганзо ютксо. Саемга, англань ды лия келень тонавтнемстэ те виздемась арась. А вана тиринь келень тонавтнемстэ косто-бути таргави… Те зыянось моли аволь ансяк Дубенкань райононь велетнева, целанек масторонть келес. Истя емитькак раськетне. Тынсь содатадо, бути а улить раськень поладыцянок, еми эрзянь келеськак.Вадря, те зыянонть каршо Орданьбуе велень школасо моли виев важодема. Тесэ тешкстама эрзянь келень тонавтыцянь семинаронть, конась вейсэндинзе тиринь келень кисэ мелявтыцятнень. Теде башка, те мероприятиянтень Орданьбуень школав сакшность покш инжеть – Дубенкань райононь прявтонь васенце полавтыцясь Ольга Дмитриевна Вантяйкина, райононь администрациянь социальной кевкстематнень коряс прявтось Елена Григорьевна Маркина, истя жо Дубенкань ды Поводелень школатнень прявттнэ ды тонавтыцятне, конатне истя жо кортасть эсь мелявкстост. Семинарось мольсь кругловой столь ладсо. Эрьва инженть туртов максозель вал. Кортавсь эрзянь келенть домкачинзэ, сюпавчинзэ ды мазычинзэ невтемадонть, сонзэ вельде тиринь енксонть вечкемадо ды ванстомадо, истя жо евтневсь, кода сюпалгавтомс эрзянь келенть, раськень койтнень-кирдатнень коряс эсь содамочитнень, невтемс тиринь келенть тарканзо тонавтницятнень эрямосо ды явомс мель эрзянь келень тонавтнемантень ды ванстомантень.Истя, ловнозельть зярыя докладт. Васенцекс кортась Орданьбуень школань эрзянь ды рузонь келень тонавтыцясь Ольга Васильевна Савельева, сон ловнось «Ванстови тиринь келесь – ванстови раськесь» теманть коряс доклад. Теке жо школань вишка классонь тонавтыцясь Татьяна Михайловна Суханова евтнесь кунсолыцятненень, кода школасо максови эрзянь келесь вишка классонь тонавтницятнень туртов. Орданьбуе велень эйдень кужонь прявтось Валентина Дмитриевна Исаева евтнесь инжетненень, кода содавты эрзянь келенть ды культуранть марто сехте вишкинькатнень. Меельцекс сынст школасо эрзянь келенть тонавтомадо кортась Поводелень Н.М. Суродеев лемсэ средней школань эрзянь келень тонавтыцясь Наталья Николаевна Бурнаева. Весе докладтнэ пек смустевть ды эрявикст.Теде башка, промксонть лувсо ютась «Лучший учитель родного языка и родной литературы Республики Мордовия – 2025» ды «Лучшие практики развития родной речи детей дошкольного возраста» республикань пелькстамотнень муниципальной этапонь сехте ероков тонавтыцятнень ды воспитательтнень каземась. Изницятнень ютксо – Дубенкань школань тиринь келень тонавтыцясь Елена Николаевна Ганина, а вана Орданьбуень школань тиринь келень ды литературань тонавтыцясь Юлия Павловна Биушкина ды Поводелень школань эрзянь келень ды литературань тонавтыцясь Галина Михайловна Спиридонова лиссть призерокс «Учитель-организатор» ды «Учитель-исследователь» номинациятнесэ. Дошкольной учреждениятнень важодицятнень ютксо жо васенце тарканть саизе Дубенкань «Солнышко» эйдень кужонь воспитателесь Алевтина Анатольевна Волгушева.Эсест важодемаст вельде Дубенкань райононь тонавтыцятне путыть раськенть икелев истямо кармавтома: вечкеде эсь келенк, кода Пазонть пельде максозь казне. Тиринь келесь – покштояк покш сюпавчи. Ванстодо эйсэнзэ, кода тенек ванстызь покштятне-бабатне, ды верьга кандодо минек раськенть лемензэ! Эдь ванстови тиринь келесь – ванстови раськеськак!Алена Артемьева
Вана уш омбоце ие школань прявтокс важоди Алена Владимировна Еряшева. Сон теке велень. Тонавтнесь М.Е. Евсевьев лемсэ МГПИ-нь филологиянь факультетсэ. Кемготово иеть важодсь Орданьбуе велень администрациясо. Ней покш мельсэ эсь тевензэ топавты школасо. Мероприятиянть ушодоманзо икеле минь аламодо кортынек школань прявтонть марто. Сон нурькинестэ евтнесь, кода молить тевтне тиринь школасонть.– Минек школасо кодгемень вейке эйкакш. Аволь умок кармасть усксеме шабра Петровка рузонь велестэ тонавтницят. Тосо школанть пекстызь, эйкакштне ютасть миненек. Коллективсэнть кемготово тонавтыцят. Минек тесэ эрьва важодицясь – сырнень ломань. Школасонть ули весе эрявикс оборудованиясь: тонавтыцятнень икеле ноутбукт, класстнэсэ мультимедийной проекторт. Ули столовоенек, спортзалонок, актовой залонок ды музеень нупаленек – сынь Социальной центрасонть, конась ашти кинь трокс. МР-нь Госсобраниянь депутатось А.И. Поздняков лездась тенек: рамась спортинвентарь, сокст, ютазь иестэ казсь футболсо налксицятненень форма. М. Н. Подмарев депутатось лездась теемс Россиянь Героенть Давид Малыйкинэнь лемс вадря стенд, сон ашти сехте неявикс таркасо, – мельспаросо евтни Алена Владимировна.Алкукскак, Орданьбуе велень школань коридорга ютамсто мелеть сеске кепедеви – тесэ весемесь теезь паро ладсо, од технологиятнень коряс. Ломантнеяк тесэ важодить оймень путозь. Вейкесь ансяк талновты – неень шкань эйкакштне овсе а путыть мель тетянь-авань келень тонавтнемантень. Чарькодеви, эрьвась эйстэдест школань прядомадо мейле бажи туемс эрямо ды важодеме ошов, мезекс кадовомс велес? Ды, бути бажат туемс тиринь велестэ, а мезекс тонавтнемс эрзянь келентькак, ошсо ялатеке весе кортыть рузкс. Тень кувалма эйкакштнень тетяст-аваст вишка порасто саезь тонавтыть эйсэст кортамо рузкс. Илязо кирде тякась визьксчи рузонь ялганзо ютксо. Саемга, англань ды лия келень тонавтнемстэ те виздемась арась. А вана тиринь келень тонавтнемстэ косто-бути таргави… Те зыянось моли аволь ансяк Дубенкань райононь велетнева, целанек масторонть келес. Истя емитькак раськетне. Тынсь содатадо, бути а улить раськень поладыцянок, еми эрзянь келеськак.Вадря, те зыянонть каршо Орданьбуе велень школасо моли виев важодема. Тесэ тешкстама эрзянь келень тонавтыцянь семинаронть, конась вейсэндинзе тиринь келень кисэ мелявтыцятнень. Теде башка, те мероприятиянтень Орданьбуень школав сакшность покш инжеть – Дубенкань райононь прявтонь васенце полавтыцясь Ольга Дмитриевна Вантяйкина, райононь администрациянь социальной кевкстематнень коряс прявтось Елена Григорьевна Маркина, истя жо Дубенкань ды Поводелень школатнень прявттнэ ды тонавтыцятне, конатне истя жо кортасть эсь мелявкстост. Семинарось мольсь кругловой столь ладсо. Эрьва инженть туртов максозель вал. Кортавсь эрзянь келенть домкачинзэ, сюпавчинзэ ды мазычинзэ невтемадонть, сонзэ вельде тиринь енксонть вечкемадо ды ванстомадо, истя жо евтневсь, кода сюпалгавтомс эрзянь келенть, раськень койтнень-кирдатнень коряс эсь содамочитнень, невтемс тиринь келенть тарканзо тонавтницятнень эрямосо ды явомс мель эрзянь келень тонавтнемантень ды ванстомантень.Истя, ловнозельть зярыя докладт. Васенцекс кортась Орданьбуень школань эрзянь ды рузонь келень тонавтыцясь Ольга Васильевна Савельева, сон ловнось «Ванстови тиринь келесь – ванстови раськесь» теманть коряс доклад. Теке жо школань вишка классонь тонавтыцясь Татьяна Михайловна Суханова евтнесь кунсолыцятненень, кода школасо максови эрзянь келесь вишка классонь тонавтницятнень туртов. Орданьбуе велень эйдень кужонь прявтось Валентина Дмитриевна Исаева евтнесь инжетненень, кода содавты эрзянь келенть ды культуранть марто сехте вишкинькатнень. Меельцекс сынст школасо эрзянь келенть тонавтомадо кортась Поводелень Н.М. Суродеев лемсэ средней школань эрзянь келень тонавтыцясь Наталья Николаевна Бурнаева. Весе докладтнэ пек смустевть ды эрявикст.Теде башка, промксонть лувсо ютась «Лучший учитель родного языка и родной литературы Республики Мордовия – 2025» ды «Лучшие практики развития родной речи детей дошкольного возраста» республикань пелькстамотнень муниципальной этапонь сехте ероков тонавтыцятнень ды воспитательтнень каземась. Изницятнень ютксо – Дубенкань школань тиринь келень тонавтыцясь Елена Николаевна Ганина, а вана Орданьбуень школань тиринь келень ды литературань тонавтыцясь Юлия Павловна Биушкина ды Поводелень школань эрзянь келень ды литературань тонавтыцясь Галина Михайловна Спиридонова лиссть призерокс «Учитель-организатор» ды «Учитель-исследователь» номинациятнесэ. Дошкольной учреждениятнень важодицятнень ютксо жо васенце тарканть саизе Дубенкань «Солнышко» эйдень кужонь воспитателесь Алевтина Анатольевна Волгушева.Эсест важодемаст вельде Дубенкань райононь тонавтыцятне путыть раськенть икелев истямо кармавтома: вечкеде эсь келенк, кода Пазонть пельде максозь казне. Тиринь келесь – покштояк покш сюпавчи. Ванстодо эйсэнзэ, кода тенек ванстызь покштятне-бабатне, ды верьга кандодо минек раськенть лемензэ! Эдь ванстови тиринь келесь – ванстови раськеськак!Алена Артемьева