Пятница, декабря 09, 2022
Важное

Лия ёнов а молиця арсема сась мельс Ицялбуень И. П. Кривошеев лемсэ Эйкакшонь библиотекань важодицятненень. «Ловнотано пертьпелькссэ» онлайн-проектэст сынь топавтызь ушов лисезь.

Библиотекартне ловность стихотвореният, ёвкст, ёвтнемат. Эрьвантень арсесть эсест фотосюжетт ды снимасть видеот, конатне лиснесть сынст интернет-лопинесэнть. Теемс алаша марто фотоиллюстрацият «Раужо онучт» эрзянь раськень ёвксонть коряс сась мельс Эйкакшонь библиотекань прявтонтень Татьяна Александровна Верендякинанень. Эрявсь ансяк муемс алашат ды мазый оршамопельть.

Васенце мелявксонть марто лездась «Агропромсервис» ООО-нь прявтось В. И. Нужнов, кона мельспаросо максынзе сынст лишмень племенной заводонь сехте содавикс тештетнень – ЖАНГИР ды ДЕЙВУД алашатнень. Рыжой сталмонь ускиця айгорось Жангир фотосессиятнес тонадсь, эдь сон «Сырнень сёксь» агропромышленной выставкань а весть изниця. Сон фотосессиясояк прянзо ветясь теке свалшкань фотомодель: юты састо, наянсто, дивавты мазычисэнзэ, сантнэнь вийсэ, покшолмасонзо, вармась вадяши тюжа кувака гриванть, ашо пейтне сусконить удилатнень, теке невти алкуксонь породань васенце тешкстнэнь. Жангирнэнь ансяк кото иеть, сон эштё ломанень иетнень коряс кемгавксово иесэ од цёрыне. Шкань ютазь тесэ пельдензэ учить истят жо мазый вашинеть. Жангирэнь омбо масторонь ёнов молиця лемесь саезь тетянзо ды аванзо лемтнень васенце букватнестэ.

Раужо черь Дейвудонь породазо – арабской скакун, сонзэ мартояк кодаткак мелявкст снимсемстэ арасельть. Алашась сэтьме ды мазый тейтерь вакссо эзь каштангале. Лишметне парсте вастызь эрзянь оршамопельсэ наряжазь библиотекань прявтонть Татьяна Верендякинань. Татьяна Александровна пек вечки лишметь, секскак, нать, сынь те ёжомарямонть редизь ды весе ютась парсте. Оршамопельтнень ды фототнень тееманть коряс лездасть Ицялбуень Культурань центрань сотрудниктне.
Кода тешкстызе Эйкакшонь библиотекань прявтось Т. А. Верендякина, сынь аволь ансяк фото вельде арсить невтемс «Раужо онучтнень», мельсэст нолдамс сонзэ башка книгасо.

Марина Девятова

О ГАЗЕТЕ "ЭРЗЯНЬ ПРАВДА"

Газета Эрзянь правда в настоящее время издается один раз в неделю на 16 страницах, четыре из них в цвете. Газета широко отражает вопросы общественно-политической, социально-экономической, культурной и духовной жизни республики, публикует международную информацию. «Эрзянь правда» распространяется в Оренбургской, Пензенской, Самарской, Ульяновской, Нижегородской областях, в республиках Татарстан, Чувашия, Башкортостан. Вместе с тем, для эрзян России вот уже не один год успешно функционирует электронная версия газеты, которую можно в настоящее время читать в Интернете. В этом большая заслуга всего редакционного коллектива газеты «Эрзянь правда».