Ине Изнямонь 80 иетненень Саранскоень ульцятнень мазылгавтызь эрьванть эйстэнек сехте прявт геройтнень – Ине Отечественной войнань ветерантнэнь портретэст. Мордовиясо «Подвиги» медиапроектэсь колмоцеде ютавты «Те моданть лангсо чачсь герой» ледстнемань акциянть.
Сехте эрявикст, сехте вечкиця тонавтыцянок, сехте питней малавиксэнек. Сынь тримизь эрьванть эйстэнек эсь свалшкань примерсэст. Максызь тенек весе вечкемаст, конань ванстызь мезеяк лангс апак вано, цидярдызь весе войнань стакачитнень. Сынь кадовить тенек нежекс. Ды секскак Изнямонь покшчистэнть, минек масторонь историясо прявт чистэнть, Саранскойга ютамось тиринь вановтонть ало кази эрицятненень каштанчинь ежо. Акциясь кармась республиканть туртов коекс, конась ютавтови эрьва ие. Колмо иень перть проектэнь командась пурнась 2000 ламо историят.