Истямо лем ало лиссь эрзянь сёрмадеенть П.К. Любаевень валморонь од пусмозо.
Рузонь кельс валморотнень ютавтынзе ведень транспортонь Волжской государственной университетэнь гражданско-правовой дисциплинань кафедрань прявтось Николай Владимирович Чих. Те омбоце книга, козонь совасть Любаевень валморонзо, конатнень рузонь кельс ютавтынзе отставкасо полициянь генералось, кинь марто поэтэсь эрямстонзо кирдсь ояксчинь сюлмот. Васенце книгась лиссь Любаевень пингстэ. Поэтэнть куломадо мейлеяк Николай Владимирович эзизе кадо Любаевень валморотнень рузонь кельс ютавтоманть. Курок сындест пурнавсть аволь аламо ды сатотсть нолдамс башка пусмос.
Од книганть марто содавтомга, ,Павел Любаевень чачома велесэ (те – Обран ёнксонь Покш Болдина буень Пикшень велесь) ютазь таргосто ютавтозель вастовома, ков пурнавкшность райононь ды велень прявтт, тосонь библиотекасо важодицят, тонавтыцят ды тонавтницят. Сынст ютксольть Покш Болдина буень неень прявтось А.А. Морозова, икелень прявтось В.Л. Жариков, земской промксонь ветиесь В.М. Кочетов, эрзянь культурань музеень васенце прявтось В.Н. Любаев, Обран ёнксонь «Ялгат» эрзянь культурань центрань» прявтось М.И. Безаев ды, нама, эрзянь кельс Любаевень валморотнень ютавтыцясь Н.В. Чих.
Вана кодамо пачтямо тенек сась тосонь эрзянь культурань музеень прявтонть Ирина Юрченковань пельде:
«Павел Кириллович Любаевень васенце валморонзо печатазельть «Колхозная трибуна» райононь газетасо. Сёрмадомадо башка Любаев эрзянь кельс ютавтсь валморот рузонь истят поэттнэнь, кода А.С. Пушкинэнь, Т.Г. Шевченконь, М.Ю. Лермонтовонь, Н.А. Некрасовонь.
П.К. Любаев ульнесь Ине Отечественной войнасо. Тосто велявтомадо мейле важодсь «Эрзянь коммуна», «Ленинэнь киява» газетань редакциятнесэ, МАССР-нь МВД-сэ. П.К. Любаевень «Мирэнть кис» валморонь васенце пусмозо лиссь 1950 иестэ. Эйзэнзэ совасть валморот ды эрзянь кельс ютавтозь А. Сурковонь, С. Щипачевень, И. Суриковонь, М. Исаковскиень морост. Эрзянь кельсэ ды рузонь кельс ютавтозь валморонзо лиссть истят пусмотнесэ: «Слово товарища», «Сосновый звон», «Светлый ручей», «Искры костра», «Вера», «Сквозь свинцовые вихри».
П.К. Любаевень ламо произведениянзо совасть валморонь вейсэнь пусмотнес, конат лиссть Московсо. Ламо валморонзо ютавтозь узбекень, молдаванонь, татаронь, чуважонь, маринь, удмуртонь кельтнес. П.К. Любаевень валморонзо лиснесть «Нева», «Волга», «Звезда», «Аврора», «Советский воин» журналтнэсэ, «Литературная газета», «Литературная Россия» газетатнесэ.
«Васенце теште» повестензэ П.К. Любаев алтызе Советской Союзонь Героентень И.А. Пожарскийнень.
Весе теде кортасть сетне, кить сакшность Пикшень велень эрзянь культурань музеев, косо мольсь вастовомась. Сон ушодозель фильмань невтемасо, конань снимизе поэтэнть малавиксэзэ В.Н. Любаев. Те ульнесь 1966 иестэ.
Покш Болдинань прявтось А.А. Морозова шнамонь конёвсо тешкстынзе сеть ломантнень, кить лездасть книганть нолдамосо.
Тердезь инжетне ледстнесть седе, кода ульнесть содавиксэкс поэтэнть марто, кодамо тешкс те кадсь сынст эрямосост. Ламо мезде ледстнесь поэтэнть лелянзо цёрась В.Н. Любаев, кона эсь шкасто пурнась ламо экспонатт Пикшень велень библиотеканть ды музеенть туртов.
Вастовомасонть гайгсть ламо валморот. «От Болдина близко деревня моя» Любаевень валморонзо ловнызе Пикшень велень школасо тонавтницясь Кирилл Асманкин.
Вастовомась ютась лембестэ ды седейшкава. Паро мельсэ кадовсть библиотекасо ды музейсэ важодицятне, конатнень туртов казнекс максозельть книгат».
Раиса Щанкина
Од книганть марто содавтомга, ,Павел Любаевень чачома велесэ (те – Обран ёнксонь Покш Болдина буень Пикшень велесь) ютазь таргосто ютавтозель вастовома, ков пурнавкшность райононь ды велень прявтт, тосонь библиотекасо важодицят, тонавтыцят ды тонавтницят. Сынст ютксольть Покш Болдина буень неень прявтось А.А. Морозова, икелень прявтось В.Л. Жариков, земской промксонь ветиесь В.М. Кочетов, эрзянь культурань музеень васенце прявтось В.Н. Любаев, Обран ёнксонь «Ялгат» эрзянь культурань центрань» прявтось М.И. Безаев ды, нама, эрзянь кельс Любаевень валморотнень ютавтыцясь Н.В. Чих.
Вана кодамо пачтямо тенек сась тосонь эрзянь культурань музеень прявтонть Ирина Юрченковань пельде:
«Павел Кириллович Любаевень васенце валморонзо печатазельть «Колхозная трибуна» райононь газетасо. Сёрмадомадо башка Любаев эрзянь кельс ютавтсь валморот рузонь истят поэттнэнь, кода А.С. Пушкинэнь, Т.Г. Шевченконь, М.Ю. Лермонтовонь, Н.А. Некрасовонь.
П.К. Любаев ульнесь Ине Отечественной войнасо. Тосто велявтомадо мейле важодсь «Эрзянь коммуна», «Ленинэнь киява» газетань редакциятнесэ, МАССР-нь МВД-сэ. П.К. Любаевень «Мирэнть кис» валморонь васенце пусмозо лиссь 1950 иестэ. Эйзэнзэ совасть валморот ды эрзянь кельс ютавтозь А. Сурковонь, С. Щипачевень, И. Суриковонь, М. Исаковскиень морост. Эрзянь кельсэ ды рузонь кельс ютавтозь валморонзо лиссть истят пусмотнесэ: «Слово товарища», «Сосновый звон», «Светлый ручей», «Искры костра», «Вера», «Сквозь свинцовые вихри».
П.К. Любаевень ламо произведениянзо совасть валморонь вейсэнь пусмотнес, конат лиссть Московсо. Ламо валморонзо ютавтозь узбекень, молдаванонь, татаронь, чуважонь, маринь, удмуртонь кельтнес. П.К. Любаевень валморонзо лиснесть «Нева», «Волга», «Звезда», «Аврора», «Советский воин» журналтнэсэ, «Литературная газета», «Литературная Россия» газетатнесэ.
«Васенце теште» повестензэ П.К. Любаев алтызе Советской Союзонь Героентень И.А. Пожарскийнень.
Весе теде кортасть сетне, кить сакшность Пикшень велень эрзянь культурань музеев, косо мольсь вастовомась. Сон ушодозель фильмань невтемасо, конань снимизе поэтэнть малавиксэзэ В.Н. Любаев. Те ульнесь 1966 иестэ.
Покш Болдинань прявтось А.А. Морозова шнамонь конёвсо тешкстынзе сеть ломантнень, кить лездасть книганть нолдамосо.
Тердезь инжетне ледстнесть седе, кода ульнесть содавиксэкс поэтэнть марто, кодамо тешкс те кадсь сынст эрямосост. Ламо мезде ледстнесь поэтэнть лелянзо цёрась В.Н. Любаев, кона эсь шкасто пурнась ламо экспонатт Пикшень велень библиотеканть ды музеенть туртов.
Вастовомасонть гайгсть ламо валморот. «От Болдина близко деревня моя» Любаевень валморонзо ловнызе Пикшень велень школасо тонавтницясь Кирилл Асманкин.
Вастовомась ютась лембестэ ды седейшкава. Паро мельсэ кадовсть библиотекасо ды музейсэ важодицятне, конатнень туртов казнекс максозельть книгат».
Раиса Щанкина