Пятница, марта 29, 2024
Важное

Саранскойсэ поладови «Эрзянь ёвкст» проектэнть топавтомазо. Ледстясынек, сон нолдави тевс Культурань инициативатнень Президентэнь фондонть лезксэнзэ вельде. Занятиятне ютавтовить аволь ансяк ошонь школатнесэ, истя жо Мордовиянь муниципальной районтнэсэяк. Аволь умок Покш Березникень райононь Шугуровань школань тонавтницятне арсесть-снимасть исторической мультфильма эсь тиринь веленть теевемадо.

Эйкакштне анокстасть декорацият, прявт персонажтнень, сынсь ловность ёвксонть. Социальной проектэсь лездась эйкакштненень мельстуиця форматсо панжомс седе ламо од содамочить эсь Шугуровадо.

Истя жо проектэнть вельде занятият ютавтовсть Покш Березниксэ. Тесэнь тонавтницятне анокстасть мультфильма Сура леенть лемензэ историядонть. Мультфильманть лувокс саезель кезэрень ёвтамось.
Эряви меремс, проектэсь кандтни аволь ансяк кенярдовтомань ёнкс, истя жо келейгавты эйкакштнень содамочист тиринь ёнксонь пертьпельксэнь таркатнеде.

Течинь чис «Эрзянь ёвкст» проектэсь ульнесь уш Саранск ошонь кемень школатнесэ. Культурань инициативатнень Президентэнь грантонть лезксэнзэ вельде эйкакштне арсесть-тейсть ламодояк ламо мультфильмат эрзянь-мокшонь ёвкстнэнь, легендатнень, кортамотнень, мифтнень, притчатнень коряс. Весе неть произведениятне ёвтнить эрзянь-мокшонь раськетнень пингеде-пингень превейчидест. Мультипликациянь курсатне лездасть эйкакштненень од ёнкстнэнь ды налксематнень вельде панжомс эсест туртов сынст покштятнень-бабатнень оймеёжост, седе ламо содамс сынст эрямодост, койтнеде-кирдатнеде.

О ГАЗЕТЕ "ЭРЗЯНЬ ПРАВДА"

Газета Эрзянь правда в настоящее время издается один раз в неделю на 16 страницах, четыре из них в цвете. Газета широко отражает вопросы общественно-политической, социально-экономической, культурной и духовной жизни республики, публикует международную информацию. «Эрзянь правда» распространяется в Оренбургской, Пензенской, Самарской, Ульяновской, Нижегородской областях, в республиках Татарстан, Чувашия, Башкортостан. Вместе с тем, для эрзян России вот уже не один год успешно функционирует электронная версия газеты, которую можно в настоящее время читать в Интернете. В этом большая заслуга всего редакционного коллектива газеты «Эрзянь правда».