Мордовиясь прими участия «Мелень топавтыця куз» весероссиянь акциясонть, конань ушодксонзо регионсонть максызе Республикань Прявтось Артем Здунов. Паронь теемань марафонось лезды каземс од иень кеняркс эйкакштнень туртов, конатне пек учить мелень явома ды лезкс.

Мордовия Республикань Государственной Собраниянь Председателесь Владимир Чибиркин васенцекс каизе кенярксчинь кузонть лангсто Краснослободской райононь Колопино велестэ 15 иесэ Алена Лапинань мелензэ марто шаронть. СВО-нь участникенть кудораськестэ тейтернесь арси ноутбукто вузов тонавтнемас анокстамга.

«Мон топавтса те меленть ды казян Аленанень ноутбук. Кадык сон карми лезэвекс тонавтнемасо, лезды вадрясто максомс экзаментнэнь ды молемс тонавтнеме кочказь университетэв, штобу получамс вадря профессия», – алтась Владимир Чибиркин.

Акциянтень вейсэндявсть Мордовиянь Госсобраниянь Председателень полавтыцятне Сергей Вдовин ды Наталья Долматова. Сынь лездыть топавтомс Саранск ошонь кавто тейтерькатнень од иень мелест: Дарья Яушкина бажи рамамс электронной книга, Полина Волкова бажи теемс профессиональной фотосессия.

Паронь эстафетанть кирдизь Госсобраниянь лия депутаттнэяк, сынст ютксо Виктория Богдашкина, Ольга Каниськина, Николай Чалов, Алексей Федьков, Михаил Подмарев ды Дмитрий Земсков. Кенярксчитнестэ народной избранниктне поладыть топавтомо эйкакштнень мелест-бажамост.

Истя жо акциянтень мель явсть республикань министерстватнень ды ведомстватнень прявттнэ.

Акциясь ютавтови весе Россиянть келес. Истя, ПФО-со Россиянь Президентэнь полномочной представителесь Игорь Комаров каизе кузонть лангсто шаронть Чистополень (Татарстан) Катеринань мелензэ марто. Тейтернесь сонсь сермады музыка ды морот, ды бажи невтемс эсь музыкальной вейке произведениянзо Кремлянь Государственной дворецэнь сценанть лангсо. Полпредэнть вельде топавтови Казаньстэ (Татарстан) Амирэнь мелезэяк – заполярной Териберкав сыргамось.