Мелень сёксня Михаил сёрмадстсь контракт спецоперациянь зонасо служамга. Ладязель Луганской областень артиллерийской взводонь расчётонь номерэнь должностьс. Мартсто контрактось прядовсь.
Демобилизованной боецэсь пшкадекшнесь воинской частев яволявтома марто – максомс тензэ боевой действиянь ветеранонь удостоверения. Ансяк те кевкстемась кадозель мельтеме.
Июньстэ Михаил пшкадсь Мордовиясо «Защитники Отечества» фондонь филиалов удостоверениянь коряс лездамга. Социальной координаторось сюлмавсь военной частенть марто ды ёвтась стакачиденть. Сон истя жо боецэнть сёрмадызе Мордовиянь военной комиссаронть Игорь Тихомиров марто вастовомантень. Недлязонзо весть филиалсо сон вастневи боецтнэнь марто. Сонзэ лездамонзо вельде августонь 9-це чистэ Михаилнэнь максызь эрявикс документэнть.
Истя жо филиалсонть сонензэ лездасть медицинской ды юридической кевкстематнень коряс. Ветеранось ёвтась сюкпря соцкоординаторонтень ды военкоматонтень лезксэнть кисэ.