Мордовия Республикава «Защитники Отечества» Государственной фондонь филиалось полады сехте эрявикс роботанзо – яви покш мель сеть ломантненень, кинь тиринь ломанест стясть Отечестванть ванстомо.

Социальной координатортнэнь лезксэст вельде чавовозь геройтнень тетятне-аватне вийсэст витемс шумбрачист региононь ды сонзэ томбалень здравницатнесэ.

Истя, геройтнень аваст – Дубенкань районсто Полина Кранова, Зубова-Полянань районсто Вера Шкинева ды Чаунзань районсто Ирина Дерюгина – витсть шумбрачист «Саранский» санаториясонть.

Рузаевкань районсто Отечествань ванстыцянть тетязо Борис Каштанов ды Ельникинь районсто героень авась Елена Мелешкина санаторно-курортной лечамо ютасть «Алатырь» санаториясонть.

Дубенкань районсто Тиринь масторонь ванстыцянть авазо Татьяна Карандасова витизе шумбрачинзэ Самарань областьсэ «Нефтяник» санаториясонть.

«Защитники Отечества» Госфондонть роботазо кемевти: боецтнэнь малавикстнэде мелявтомась пек эрявикс. Вейсэнь тевенек – лездамс сеть ломантнень туртов, кить трясть-кастсть алкуксонь геройть», – тешкстась Мордовия Республикава «Защитники Отечества» Госфондонь филиалонь руководителесь Алексей Герасименко.

Фотось «Защитники

Отечества» Госфондонть.