Важодемань коряс савкшны улемс минек республикань эрьва кодамо велесэ. Весе сынь явовить вейкест-вейкест эйстэ. Косо-бути улить ламо эрицят, улить предприятият, косо ломантне роботыть.
Бути важоди школась – сестэ велеськак эриця, сонзэ ули вандынь чизэ. Кочкурбуень Сурвелесь ульнесь покштояк покш велекс ды нейгак сон аволь вишкинетнестэ. Кода эри сон течи ды кодат одкстомтомат тосо? Теде тенек ёвтнесь Сурвелень поселениянь прявтось Леонтий Иванович ЧЕТАЙКИН.
– Эрицятнень сёрмадстоманть коряс, минек велесэ ловови 831 ломань. Кизна сындест седеяк ламо, тей сыть кизэ лангс эрицят, пирень путыцят, лиякс меремс, дачникть. Монь койсэ, велесэнек улить весе условиятне эрямс. 2020 иестэ покш витнема-петнема теезь Культурань кудонтень, стявтозь од ФАП. «Комплексное развитие сельских территорий» программанть лувсо стявтозь эйкакшонь налксема тарка ды кизэнь эстрада. Сынь теезь мелят. Финансированиясь ульнесь 70 % федеральной бюджетстэ, 30 % – эрицятнень пельде. Истя жо мелят весе госстандарттнэнь коряс витнезь килангось. Кувалмозо 3 вайгельбеть. Сон ней келей, вадря. Витнемантень тусть 78 млн целковойть, – корты велень прявтось.
– Леонтий Иванович, кодат эштё улить одкстомтомат, мезе тееви велесэнть?
– 2024 иестэ велень колмо куротнева теевить од кить – Московская, Сосновая ды Лавровская лемсэ ульцятнева. Тосо асфальт зярдояк арасель, тееви автомобильной од ки. Ломантне тень учость ламо иеть. Зярс лездыть республикась ды государствась – карматано тееме. Ней минь важодтяно кавто проекттнэнь лангсо. Неть – Ине Отечественной войнасо чавовозтнень ледстнемга памятникенть покш витнемась ды спортонь площадкань теемась. Неть кавто объекттнэс грантонь вельде явовсть 6 млн целковойть. Сы иестэ истя жо теевить ялго якамонь таркат, озавттано цецят, аравттано валдомтомапельть. Веленек эрий, тесэ ванькс, пертьпельксэнь мазычи, сельметне ды оймесь кецнить. Паролгавтови Сура чиресэ оймсема таркась, ладявсть эземнеть, беседкат, мангалт.
Сюкпрянь валт ёвтавлинь дачниктнень лемс. Сынь а аштить ве ёно, явить мель эрьва кодамо тевс ды проектс. Лездыть ютавтомс кенярксчить – Маень 9-це чинть, Велень чинть, Од иенень рамсить эйкакштненень казнеть. Сынь сехте васенцекс кармасть лездамо, зярдо яволявтынек памятникень витнемс ярмаконь пурнамодо. Макссть 5–10 тёжат целковойть.
Тедеде Велень чинтень сакшность ламо инжеть. Ней ули ушосо кенярксчинь ютавтома тарканок – кизэнь эстрада, тосо асфальт ацазь, улить экшепельсэ озамо таркат. Икеле кие соды козонь пурнавилинек. Од таркась пек тусь мельс ломантненень. Ней кизна весе кенярксчитне-концерттнэ кармить ютамо тосо. Самай тосо сы иестэ аравтовить валдомтомапельть ды теевить яннэть. Чарькодеви, тевтнеде ламо, ламо савкшны чийнемс, ансяк весе те – ломантнень туртов.
Сурвелень средней школасо 75 тонавтницят. Тей усксить эйкакшт Кацялайстэ, Давыдвелестэ ды Тат. Умысстэ. Школась ташто, сонензэ умок эряви теемс капитальной витнема. Бути весе ули ладс, 2025 иестэ кармить витнемензэ.
Эрицятнеде ламот роботыть теске, велень хозяйствань покш предприятиясо, конань прявтсо важоди А. В. Парваткин. Пандыть парсте. Сурвелень фермасо трить-кастыть скалт ды букат, Давыдвелесэ ули ловсонь ферма.
Кизэнь шкане веленть вакссо панжовить эйкакшонь шумбрачинь витемань колмо лагерть: «Энергетик», «Орлёнок» ды «Орбита». Таркатне тесэ пек мазыйть, ванькст. Ули «Сура» эйкакшонь ды тетянь-авань оймсемань турбаза. Теде башка, «Песчаный берег» оймсемань покш таркась (А. В. Кавтайкин ИП-сь). Пляжось тосо питневтеме, кудынетне сиведевить ярмак лангс. Оймсеме ардыть эрьва косто.
Л. И. Четайкин Сурвелень прявтокс важоди вете иеть. Васня, зярдо кундась те тевентень, ризнэсь: лиси-арась? Мекс а лиси, сон теке велень, парсте содасынзе тесэнь эрицятнень. Ды сонзэяк содасызь. Уш важодемань васенце иестэнть кармась полавтнеме палмань прясо лампатнень светодиоднойс. Велесэнть палмань прясо 47 лампат. Ней энергосберегающейть. Сынсь кирвазить ды мейле мадить. Электроэнергиянть кисэ икеле савкшнось пандомс иезэнзэ 290 тёжат целковойть! Ней ансяк 60 тёжат. Прявтось се шкастонть кенерсь ладямс палмантнень пряс лампатнень питневтеме, течи тень кисэ сави пандомс аволь аламо ярмакт. Зярдо лампочкась палы, эрси, велень прявтось сонсь кузи верев полавтомонзо.
Леонтий Иванович Сурвелень школанть прядомадо мейле служась армиясо. Седе тов тонавтнесь Н. П. Огарёв лемсэ МГУ-со агрономокс. Роботась эрьва косо. Ламо иень перть важодсь эйкакшонь лагерьсэ прявтокс. Тесэ оймсесть минек республикань районтнэстэ малав 250 уроз эйкакшт. Лагересь теевкшнесь тензэ омбоце кудокс. Сон свал ульнесь эйкакштнень марто вейсэ. Нама, стакаль мартост, рузкс меремс, пек ответственной тевесь. Тень лангс апак вано, сон пек вечксь важодеманзо ды нейгак лембестэ ледстни се шканть. Малав эрьва эйкакшось ульнесь кудосонзо. Зярдо ормалгадыть – усксесть эйсэст больницяв ды ардтнесь мельгаст мекев саемест. Эрсесь, пек озоровицятне орголесть лагерьстэ. Сестэ лагерень прявтось сонсь вешниль эйсэст ошка. Кортниль мартост, муиль кель-вал. Ней, зярдо костояк ушосто вастсызь Леонтий Ивановичень – шумбракстнить мартонзо. Эзизь стувто, пшкадить – те ламодо корты. Нама, шкась байтяк ютась, сынь кассть, полавтовсть, а содавитькак.
– Ули покш мелем теемс веленть вакссо мазый ды покш купель. Тарка муинек, лисьмапря ули. Кадык ломантне, конат ардыть Саранскоев, лоткить сэтьмечисэ оймсеме, симемань явавтомо, саить мартост тантей ведь. Эряви кенеремс теемс эрямосонть паро тевть, илязо ёма шкат стяко. Кадык мельгат мезеяк кадови ломантненень. Сюкпря ёвтавлинь командам туртов. Эрьва кодамо таркасо эрявить эряза ломанть – важодемань вечкицят, эрьва кодамо паро тевс мелень явицят. Минь свал вейсэ – культурасо, библиотекасо, администрациясо роботниктне. Ёвтазь чистэ озавттано цецят, якатано калмолангонь урядамо. Кияк а ашти ве ёно. Ютксонок арасть ачарькодемат. Мельспаро роботамс истямо коллективсэ! – прядызе кортамонок Леонтий Иванович.
Татьяна Маторкина
– Эрицятнень сёрмадстоманть коряс, минек велесэ ловови 831 ломань. Кизна сындест седеяк ламо, тей сыть кизэ лангс эрицят, пирень путыцят, лиякс меремс, дачникть. Монь койсэ, велесэнек улить весе условиятне эрямс. 2020 иестэ покш витнема-петнема теезь Культурань кудонтень, стявтозь од ФАП. «Комплексное развитие сельских территорий» программанть лувсо стявтозь эйкакшонь налксема тарка ды кизэнь эстрада. Сынь теезь мелят. Финансированиясь ульнесь 70 % федеральной бюджетстэ, 30 % – эрицятнень пельде. Истя жо мелят весе госстандарттнэнь коряс витнезь килангось. Кувалмозо 3 вайгельбеть. Сон ней келей, вадря. Витнемантень тусть 78 млн целковойть, – корты велень прявтось.
– Леонтий Иванович, кодат эштё улить одкстомтомат, мезе тееви велесэнть?
– 2024 иестэ велень колмо куротнева теевить од кить – Московская, Сосновая ды Лавровская лемсэ ульцятнева. Тосо асфальт зярдояк арасель, тееви автомобильной од ки. Ломантне тень учость ламо иеть. Зярс лездыть республикась ды государствась – карматано тееме. Ней минь важодтяно кавто проекттнэнь лангсо. Неть – Ине Отечественной войнасо чавовозтнень ледстнемга памятникенть покш витнемась ды спортонь площадкань теемась. Неть кавто объекттнэс грантонь вельде явовсть 6 млн целковойть. Сы иестэ истя жо теевить ялго якамонь таркат, озавттано цецят, аравттано валдомтомапельть. Веленек эрий, тесэ ванькс, пертьпельксэнь мазычи, сельметне ды оймесь кецнить. Паролгавтови Сура чиресэ оймсема таркась, ладявсть эземнеть, беседкат, мангалт.
Сюкпрянь валт ёвтавлинь дачниктнень лемс. Сынь а аштить ве ёно, явить мель эрьва кодамо тевс ды проектс. Лездыть ютавтомс кенярксчить – Маень 9-це чинть, Велень чинть, Од иенень рамсить эйкакштненень казнеть. Сынь сехте васенцекс кармасть лездамо, зярдо яволявтынек памятникень витнемс ярмаконь пурнамодо. Макссть 5–10 тёжат целковойть.
Тедеде Велень чинтень сакшность ламо инжеть. Ней ули ушосо кенярксчинь ютавтома тарканок – кизэнь эстрада, тосо асфальт ацазь, улить экшепельсэ озамо таркат. Икеле кие соды козонь пурнавилинек. Од таркась пек тусь мельс ломантненень. Ней кизна весе кенярксчитне-концерттнэ кармить ютамо тосо. Самай тосо сы иестэ аравтовить валдомтомапельть ды теевить яннэть. Чарькодеви, тевтнеде ламо, ламо савкшны чийнемс, ансяк весе те – ломантнень туртов.
Сурвелень средней школасо 75 тонавтницят. Тей усксить эйкакшт Кацялайстэ, Давыдвелестэ ды Тат. Умысстэ. Школась ташто, сонензэ умок эряви теемс капитальной витнема. Бути весе ули ладс, 2025 иестэ кармить витнемензэ.
Эрицятнеде ламот роботыть теске, велень хозяйствань покш предприятиясо, конань прявтсо важоди А. В. Парваткин. Пандыть парсте. Сурвелень фермасо трить-кастыть скалт ды букат, Давыдвелесэ ули ловсонь ферма.
Кизэнь шкане веленть вакссо панжовить эйкакшонь шумбрачинь витемань колмо лагерть: «Энергетик», «Орлёнок» ды «Орбита». Таркатне тесэ пек мазыйть, ванькст. Ули «Сура» эйкакшонь ды тетянь-авань оймсемань турбаза. Теде башка, «Песчаный берег» оймсемань покш таркась (А. В. Кавтайкин ИП-сь). Пляжось тосо питневтеме, кудынетне сиведевить ярмак лангс. Оймсеме ардыть эрьва косто.
Л. И. Четайкин Сурвелень прявтокс важоди вете иеть. Васня, зярдо кундась те тевентень, ризнэсь: лиси-арась? Мекс а лиси, сон теке велень, парсте содасынзе тесэнь эрицятнень. Ды сонзэяк содасызь. Уш важодемань васенце иестэнть кармась полавтнеме палмань прясо лампатнень светодиоднойс. Велесэнть палмань прясо 47 лампат. Ней энергосберегающейть. Сынсь кирвазить ды мейле мадить. Электроэнергиянть кисэ икеле савкшнось пандомс иезэнзэ 290 тёжат целковойть! Ней ансяк 60 тёжат. Прявтось се шкастонть кенерсь ладямс палмантнень пряс лампатнень питневтеме, течи тень кисэ сави пандомс аволь аламо ярмакт. Зярдо лампочкась палы, эрси, велень прявтось сонсь кузи верев полавтомонзо.
Леонтий Иванович Сурвелень школанть прядомадо мейле служась армиясо. Седе тов тонавтнесь Н. П. Огарёв лемсэ МГУ-со агрономокс. Роботась эрьва косо. Ламо иень перть важодсь эйкакшонь лагерьсэ прявтокс. Тесэ оймсесть минек республикань районтнэстэ малав 250 уроз эйкакшт. Лагересь теевкшнесь тензэ омбоце кудокс. Сон свал ульнесь эйкакштнень марто вейсэ. Нама, стакаль мартост, рузкс меремс, пек ответственной тевесь. Тень лангс апак вано, сон пек вечксь важодеманзо ды нейгак лембестэ ледстни се шканть. Малав эрьва эйкакшось ульнесь кудосонзо. Зярдо ормалгадыть – усксесть эйсэст больницяв ды ардтнесь мельгаст мекев саемест. Эрсесь, пек озоровицятне орголесть лагерьстэ. Сестэ лагерень прявтось сонсь вешниль эйсэст ошка. Кортниль мартост, муиль кель-вал. Ней, зярдо костояк ушосто вастсызь Леонтий Ивановичень – шумбракстнить мартонзо. Эзизь стувто, пшкадить – те ламодо корты. Нама, шкась байтяк ютась, сынь кассть, полавтовсть, а содавитькак.
– Ули покш мелем теемс веленть вакссо мазый ды покш купель. Тарка муинек, лисьмапря ули. Кадык ломантне, конат ардыть Саранскоев, лоткить сэтьмечисэ оймсеме, симемань явавтомо, саить мартост тантей ведь. Эряви кенеремс теемс эрямосонть паро тевть, илязо ёма шкат стяко. Кадык мельгат мезеяк кадови ломантненень. Сюкпря ёвтавлинь командам туртов. Эрьва кодамо таркасо эрявить эряза ломанть – важодемань вечкицят, эрьва кодамо паро тевс мелень явицят. Минь свал вейсэ – культурасо, библиотекасо, администрациясо роботниктне. Ёвтазь чистэ озавттано цецят, якатано калмолангонь урядамо. Кияк а ашти ве ёно. Ютксонок арасть ачарькодемат. Мельспаро роботамс истямо коллективсэ! – прядызе кортамонок Леонтий Иванович.
Татьяна Маторкина