Декабрянь 6-це чистэ Саранскойсэ Республикань Культурань кудосо ютавтовсь «Голос героев» Весероссиянь раськень премиянь явшемань церемониясь. Тедеде премиясонть ульнесть 1100 ламо ломанть масторонь 81 регионсто.

Мордовиянь Прявтось пурнавозтненень ды инжетненень пшкадемстэ тешкстызе, премиясь чачсь Саранскойсэ ды ней кеместэ эскели масторонть келес.

«Те проектсэнть минек кирди Российской Федерациянь Президентэсь, Культурань инициативатнень Президентэнь фондось, паронь теицятне, весе мелень явиця ломантне», – мерсь Артем Здунов.

Ды те пелькстамось сень туртов, штобу од ломантне неевлизь, кодамо ломаньстэ эряви саемс пример. Эдь героекс а чачнить.

«Героизмань формулась ашти сеньсэ, што те мелень явиця ломанть. Бути сынь озныть – оймень путозь, бути лисить кудосто – сестэ пштистэ ваныть, мезе моли перькаст. Те мелень ваныця, мелень путыця ломанть. Сыненст максозь неемс сень, мезенть лиятне а неить, секс мекс ваныть ланга-прява: кортыть ломаненть марто – ды а неить эйсэнзэ ломань, а неить сонзэ ежонзо. Минек течинь геройтне кочкизь эсь малавикстнэнень мелень явомань ды вечкемань кинть», – тешкстызе Мордовиянь руководителесь.

Кода тешкстызе Саранскоень ды Мордовиянь митрополитэсь Зиновий, геройтне – те алкуксонь, чевте седей ды а пелиця ломанть. «Вайгелест – те сынст тевест. Шкастонзо максозь лезксэнь кедесь тосо, косо сон эряви, жертвань подвигесь тосо, косо зыян, паро бажамотнес снартнемась, весе невтевкстнэсэ беряненть каршо бороцямось – те весе сынст ланга», – мерсь сон.

«Геройтне» – те виев вал, ансяк неть ломантне, кода свал, аволь гайтевть – эсь виде важодемасост, смелчисэст, ломанень лембесэст ды мелень явомасост сынь теить минек масторонть седе вадрякс.

«Подвиги» медиапроектэнь теицятне Денис Шапкарин ды Наталья Широкова евтасть сюкпря республикань Прявтонтень раськень премиянтень весемеендонь лезксэнь явоманть кисэ.

Каземась ушодовсь патриотической блокстонть. Российской Федерациянь Президентэнть Указонзо коряс Боевой тевтеематнень шкасто воинской долгонь топавтоманть пингстэ невтезь подвигтнень кисэ Иневанькс Георгиень орденэнь отличиянь тешкссэ – IV степенень Георгиевской Крестсо казезь СВО-нь участникесь Дмитрий Аверьянов.

«Герой мира» специальной премиясо тешкстазь СВО-нь участниктне Сергей Ильичев (куломадонзо мейле), Иван Матюшкин (куломадонзо мейле), Сергей Абедкин, Александр Горюнов, Елена Грачева, Николай Кашкин, Вячеслав Лапштаев, Алексей Щанкин.

Маштовозтнень ледстизь чатьмонемань минутасо.

«Герои семьи» номинациясонть изнясть Мордовиясто Вадим ды Елена Депутатовтне, Алексей ды Наталья Адушкинтнэ, истя жо Ростовской областень семиясь – Герман Кутарай ды Татьяна Болдырева.

«Герои трудовой династии» номинациясонть изницякс лиссть Мордовиясто тонавтыцянь кавто кудораськетне: Мария Паршинань ды Денис Шамаевень семиятне.

«Герои добровольчества» номинациясонть премиянть получизь предпринимателесь, боевой тевтеематнень ветеранось, «Всех обнял» фондонь президентэсь Иван Утенков, Архангельской областьстэ Джон Кондратов, Санкт-Петербургсто СВО-нь ветеранось Анатолий Кольчинский.

«Герои по зову сердца» номинациясонть изницякс кармась Курской областьстэ СВО-нь участникесь Сергей Чумаков, «Герои по призванию» – профессиональной идицятне Михаил Разиньков Белгородской областьстэ ды Карэн Агамалян Московсто, «Герои правопорядка» номинациясонть – минек енкссо чачозесь Андрей Елькин, «Герои среди СВОих» региональной программань участникесь.

«Медицинань героекс» ловизь Московсто Владимир Ивашковонь, «Изнямонь героекс» – Башкириясто Загир Валеевень, «Образованиянь героекс» – Дагестансто Аида Касумовань, «Воспитаниянь героекс» – Белгородской областьстэ Анастасия Чеботаревань ды Светлана Шевцовань.

«Наставничествань героекс» кармасть Томской областьстэ Алексей Новиков ды Кемеровской областьстэ Татьяна Стексова.

«Герои социального предпринимательства» номинациясонть изнясь Московсто Алексей Нуянзин, «Герои сервиса» номинациясонть – Свердловской областьстэ Зарина Адыева, «Герои производства» номинациясонть – Мордовиясто Валентина Атряхина, «Герои строительства» номинациясонть – Пензань областьстэ Иван Афтаев, «Герои транспорта» номинациясонть – Московсто Артем Матринов, «Герои села» номинациясонть – Ярославской областьстэ Никита Долгов, «Герои экологии» номинациясонть – Саранскойстэ Татьяна Силаева, «Герои зоозащиты» номинациясонть – Владимирской областьстэ Юлия Буйницкая, «Герои развития» номинациясонть – Ростовской областьстэ Виктор Приходько, Московсто Ольга Аринина, Ставропольской крайстэ Антон Сериков, «Востребованный специалист» номинациясонть – Иркутской областьстэ Дарина Бавольская, Тюменской областьстэ Александр Панов, Мордовиясто Максим Саяпин ды Юлия Сафонкина.

«Наукань героекс» кармась Крым Республикасто Константин Ефетов, «Трудонь героекс» – Белгородской областьстэ Светлана Невмывака, «Культурань героекс» – Северной Осетиясто – Аланиясто Асланбек Пагиев, «Декоративно-прикладной искусствань героекс» – Тверской областьстэ Сергей Федотов, «Исполнительской искусствань героекс» – Белгородской областьстэ Александр Дубенцов, «Ледстнематнень ванстомань героекс» – Рязанень областьстэ Ирина Авдекова ды Маргарита Надеева, «Спортонь героекс» – Белгородской областьстэ Александра Тен, «Блогингень героекс» – Свердловской областьстэ 94 иесэ трэвел-блогерэсь Евгения Семенова, «Медиа героекс» – Московсто журналистэсь Галина Теряева.