Четверг, декабря 02, 2021
Важное

Неть оймсема читнестэ Саранскойсэ С.Д. Эрьзя лемсэ изобразительной искусствань республикань музеенть вакссо ютась Эрьзя Fest кенярксчи. Сон алтавсь скульпторонть Степан Эрьзянь чачома чистэнзэ саезь 145 иетненень.
Эрьзянь юбилеенть тешкстыть аволь ансяк минек республикасо, сонзэ томбалеяк. Эрьзя Fest – те искусствань фестиваль, кона вейсэнди ламо ломанть ды кемексты туризманть. Тей сакшность зярыя инжеть лия ошстояк, сынь ютавтсть Мордовиява оймсема чинь тур.

Музеенть икеле важодсть ламо выставкат. Тесэ невтевсть С.Д. Эрьзянь ды Ф.В. Сычковонь важодемаст (копият ды репродукцият), истя жо Художникень союзонтень совицятнень ды народной мастертнэнь: МР-нь народной художниктнень А.Н. Барговонь, С.Ф. Коротковонь; культурань заслуженной роботниктнень Х.И. Бикбаевень, Л.Д. Лёвинань, Г.А. Полянскаянь; заслуженной артыцятнень М.Н. Ямбушевень, П.В. Рябовонь ды ламо лиятнень теевксэст.

Вакссост аштесть декоративно-прикладной творчествань мастертнэ. Сынь невтнесть теевксэст ды микшнесть эйсэст. Од артыцятне музеенть вакссо, менель ало артсть од произведеният. Башка таркасо аштесть Вирь ало Тавлань чувтосто керсицятне. Кие ютави сынст вакска? Сынь мартост усксть чувтосто керсезь пек ламо алкуксонь произведеният.

Кинь ульнесь мелезэ, тонавтнесть някань тейнемань, раськень тешкссэ кедьгень артомань тевтненень. Теде башка, тейнесть мазый фотографият Ф.В. Сычковонь картинань героинятнень марто (музеень важодицятне оршазельть раськень оршамопельсэ).
Республикань раськень творчествань кудось ютавтсь «Панар» эрзянь ды мокшонь раськень оршамопелень выставка. Невтевсь «Иненармунь» раськень оршамопелень коллекциясь (Саранскоень художественной училищань студенттнэнь творческой важодемаст).
Чинь перть тесэ гайгсть морот. Инжетнень туртов морасть-седясть «Василиса» фолк-поп-шоусь, «Биг-бенд Саранск» джазонь оркестрась, И.М. Яушев лемсэ музыкальной театрань артисттнэ, Мордовиянь филармониянь артисткатне И. Учватова ды Н. Спиркина, «Росичи» моронь театрась. Эрзянь ды мокшонь национальной драмтеатрань артисттнэ невтизь «Эрзянь свадьбань» пельксэнть (саезь спектаклянь репертуарстост). МХАТикень театрась-студиясь невтизь «Семь с половиной женщин Дона Стефано» спектаклясто саевксэнть.
Мезе парось, башка таркат панжозельть эйкакштнень туртовгак, косо эрьвась мукшнось эстензэ мельстуиця тев: кие артсь, кие тонавтнесь гончаронь тевентень, кие тейнесь някат.

Фестивалень инжетнень каванясть чайде. Лия ёнкссто сазь ломантненень пек тусь мельс те кенярксчись, сынь дивсесть минек культурань сюпавчинтень ды мазычинтень.
 

О ГАЗЕТЕ "ЭРЗЯНЬ ПРАВДА"

Газета Эрзянь правда в настоящее время издается один раз в неделю на 16 страницах, четыре из них в цвете. Газета широко отражает вопросы общественно-политической, социально-экономической, культурной и духовной жизни республики, публикует международную информацию. «Эрзянь правда» распространяется в Оренбургской, Пензенской, Самарской, Ульяновской, Нижегородской областях, в республиках Татарстан, Чувашия, Башкортостан. Вместе с тем, для эрзян России вот уже не один год успешно функционирует электронная версия газеты, которую можно в настоящее время читать в Интернете. В этом большая заслуга всего редакционного коллектива газеты «Эрзянь правда».