Январень 19-це чистэ Московсо «Россия» раськеютконь выставкань-форумонь площадкасонть панжовсь «Родные-Любимые» кудораськень весероссиянь форумось, конась ушоды Семиянь иенть. Мероприятиянь участникекс ульнесть «Россия – страна возможностей» президентской платформань «Это у нас семейное» конкурсонть Россиянь эрьва кодамо регионсто пелькстыцятне.
Сынст ютксо семиянь династият, семиянь бизнесэнь ветицят, шкинемав, ламо эйкакшонь триця ды од семият. Пелькстамонть васенце мелесь – вейсэндямс семиятнень, содавтомс вейкест-вейкест марто.
«Родные-Любимые» форумось мольсь январень 19-це чистэ саезь 23-це чис. Форумонь участникекс кармась Мордовиясто Адушкинтнэнь эрзянь семиясь. Людмила Геннадьевна ды Василий Васильевич урьвакстозь-венчазь кеветее иеть. Сынь трить-кастыть кото эйкакшт. Эряви ёвтамс, Адушкинтнэ казезь «Родительская слава» орденэнь медальсэ, сынь – республикань «Иень семия» пелькстамонь изницят. Московов якасть весе кудораськенек – кото эйкакшт, аваст, тетяст, патяст ды покштяст. Семиянть ули уш васенце изнявксост! Покштяст Геннадий Васильевич спортонь пелькстамотнесэ 57-ксть кепедизе пондонь гирянть. Сехте вадря невтевкс!
Эряви тешкстамс, форумонь культурань программась пек сюпаволь, ютавтовсть творческой мастер-класст, пелькстамот ды вастовомат содавикс ломань марто.
Кода эсь телеграм-каналсонть тешкстась Мордовиянь Прявтось Артём Здунов, 2024 иестэ, конась Россиянь Президентэнть мереманзо коряс яволявтозь Семиянь иекс, эйкакшонь трямонь-кастомань ёнкссонть поладови эрьва ёндонь лезксэнь явомась: «Кеме семиятне – минек каштанчи, республикань ды масторонь юр!»
«Родные-Любимые» форумось мольсь январень 19-це чистэ саезь 23-це чис. Форумонь участникекс кармась Мордовиясто Адушкинтнэнь эрзянь семиясь. Людмила Геннадьевна ды Василий Васильевич урьвакстозь-венчазь кеветее иеть. Сынь трить-кастыть кото эйкакшт. Эряви ёвтамс, Адушкинтнэ казезь «Родительская слава» орденэнь медальсэ, сынь – республикань «Иень семия» пелькстамонь изницят. Московов якасть весе кудораськенек – кото эйкакшт, аваст, тетяст, патяст ды покштяст. Семиянть ули уш васенце изнявксост! Покштяст Геннадий Васильевич спортонь пелькстамотнесэ 57-ксть кепедизе пондонь гирянть. Сехте вадря невтевкс!
Эряви тешкстамс, форумонь культурань программась пек сюпаволь, ютавтовсть творческой мастер-класст, пелькстамот ды вастовомат содавикс ломань марто.
Кода эсь телеграм-каналсонть тешкстась Мордовиянь Прявтось Артём Здунов, 2024 иестэ, конась Россиянь Президентэнть мереманзо коряс яволявтозь Семиянь иекс, эйкакшонь трямонь-кастомань ёнкссонть поладови эрьва ёндонь лезксэнь явомась: «Кеме семиятне – минек каштанчи, республикань ды масторонь юр!»