Четверг, июня 17, 2021
Важное

А.И. Полежаев лемсэ музеень важодицятне ульнесть вастовомасо, кона алтавсь Поэзиянь чинтень ды ютавтовсь Н.П. Огарёв лемсэ МГУ-нь музеень комплекссэнть.

Филологиянь факультетэнь тонавтницятнень марто вастовкшность МР-нь заслуженной поэтэсь Геннадий Гребенцов, поэтессась ды прозаикесь Мария Ерёмина ды Эрзянь этнокультурной сюпавчинть ванстомань ды виевгавтомань фондонь председателесь Татьяна Ларина.

Мария Ерёмина ловнынзе эсь валморонзо ды «Сятко» журналсонть лисниця автортнэнь сёрмадовксост. Ёвтнесь «Сятконть» юрсо важодиця литературной клубтонть ды тердинзе весень варчамс эсь вийтнень сёрмадомань тевсэнть.
Геннадий Гребенцов пурнавозтненень ловнынзе тиринь ёнксонтень ды эрзянь келентень алтазь валморонзо ды тердинзе весень вечкемс ды ванстомс эсь покштятнень-бабатнень келенть. Теке марто, кода А.И. Полежаев лемсэ музеень важодиця, тердинзе весень инжекс.
Вастовомась удалась, секскак весе пурнавозтне кортызь вастовомс эштё.

Геннадий Гребенцов,
А.И. Полежаев лемсэ музеень
научной важодиця

О ГАЗЕТЕ "ЭРЗЯНЬ ПРАВДА"

Газета Эрзянь правда в настоящее время издается один раз в неделю на 16 страницах, четыре из них в цвете. Газета широко отражает вопросы общественно-политической, социально-экономической, культурной и духовной жизни республики, публикует международную информацию. «Эрзянь правда» распространяется в Оренбургской, Пензенской, Самарской, Ульяновской, Нижегородской областях, в республиках Татарстан, Чувашия, Башкортостан. Вместе с тем, для эрзян России вот уже не один год успешно функционирует электронная версия газеты, которую можно в настоящее время читать в Интернете. В этом большая заслуга всего редакционного коллектива газеты «Эрзянь правда».