Мордовиянь велень хозяйствань министрась Виталий Платонов вастневсь Дубенкань райононь спецоперациянь участникенть Александр Вантякин марто. Фронтсто велявтомадо мейле церанть мельсэ кепедемс-виевгавтомс велень хозяйстванть эсь тиринь енкссо.
Александр арси панжомс эрицятнень кедьстэ сывелень рамамонь ды мейле эйстэнзэ полуфабрикатонь нолдамонь коряс велень хозяйствань кооператив. Арсезенть топавтомга сон нежеди «Агромотиватор» грантонть лангс. АПК-со эсь тевень панжомань коряс башка программасонть кортави 7 млн целковоень покшолмасо лезксэнь максомадо, конась явови крестьянонь (фермерэнь) хозяйствань панжоманть-кепедеманть туртов.
Министранть марто вастовомсто Александр теевсь содавиксэкс Мордовиясо велень хозяйствань кооперативтнень туртов лезксэнь максомань прявт енкстнэнь марто – оборудованиянь рамамонь кис субсидиятнестэ саезь переработкань цехтнень теемаст туртов ютавтовкстнэнь эйстэ зярыя пельксэнь компенсациянть видьс.