Те иень июльстэ «Национальная безопасность и наука» ИАЦ АНО-сь анокстась «Цятконят» «кортыця» книга. Сон теевсь Культурань инициативань Президентэнь фондонть вельде (ПФКИ-21-1-000345) ды кармась «Цятконят» арт-фолк театр» грантонь проектэнь топавтомань цётамокс.
Те проектэсь бажи эйкакшонь инклюзивной творчестванть вельде ванстомс ды ёвтнемс лиятненень мокшонь ды эрзянь раськень культурадонть ды искусствадонть.
Уш течи «кортыця» книгась явшезь Мордовиянь школатнева, ошонь ды райононь библиотекатнева. Теде башка, книгась кучови Башкортостанонь, Татарстанонь, Марий Элэнь, Удмуртиянь, Карелиянь, Коминь, Ханты-Мансийской автономной округонь, Коми-Пермяцкой автономной округонь, Пензань, Самарань, Нижнеень ды Свердловской областень беряньстэ неиця ломантнень туртов библиотекатнес. Те иестэнть «Национальная безопасность и наука» ИАЦ АНО-сь арси нолдамс «Цятконят» «кортыця» книгань омбоце издания эсест ярмакост лангс.