Четверг, марта 28, 2024
Важное

Январень 7-це чистэ чачома чинзэ тешкстызе Отяжелень райононь Сабанцеле (Пумбра) велень эрзянь авась, минек свалшкань ловныцянок- сёрмадстыцянок Анастасия Николаевна Любимкина (Миськень Нася).



Седейшкавань поздоровт тензэ ёвтыть тейтерензэ Галина ды Татьяна, содамонзо ды кото нуцьканзо: «Вечкевикс авай ды бабай! Минек трицянок-кастыцянок, седейлембесэ эждицянок, масторлангсонть сехте вадря ды вечкиця сырькаенек! Ёвтатано теть поздоровт, арсетяно кеме шумбрачи, кадык сон саты ламо-ламо иес. Тон минек тонавтымизь эрямс ломанекс, эждят весень эсь вечкемасот. Тон минек васенце лездыцянок, превс путыцянок, косо бу минь а улевлинек. Ульть свал истямокс, минь свал содатано – ули лембе кудонок, косо тон вастсамизь читькак-ветькак ды кекшсамизь весе эрямонь мелявкстнэде. Тонь свал улить истят оймавтома ды лездыця валот, конатне пек эрявикст эрямонь киулотнесэ. Кадык истя карми свал, кадык сатыть виеть, кадык эрямот ули кенярксов ды тиринь кудонь вальматне свал цивтёрдыть валдосо-лембесэ! Ульть уцяскав, эдь бути тон уцяскават, миненекак паро!»

Анастасия Николаевнань велень эрицятне содасызь кода почтань отделениянь икелень прявтонть. Зяро сёрмат, открыткат, газетат, журналт ютасть сонзэ кедьга – а лововить. Сонзэ важодема шкасто почтась ульнесь аволь ансяк корреспонденциянь ильтямо-кандтнема таркакс, истя жо тей ломантне сакшныльть седеень панжомо, кортнеме, оймсеме, эжнеме телень якшамо читнестэ.

Эйкакштненень жо почтась марявсь ёвксонь таркакс, эдь тосо 5 трёшникте микшнесть пек мазый Од иень открыткат, конатнень ламот икеле шкатнестэ пурнасть коллекцияс. Анастасия Николаевна весень туртов муиль паро валт, ёвтыль превс путомат, лездыль кочкамс панжаткеть ды сёрмадстомс сехте мельстуиця газетат ды журналт. Ней уш умок Любимкина пенсиясо, эри ськамонзо, ансяк эрьва каникуласто сонзэ кудозо пештяви нуцьканзо кенярдыця вайгельтнеде. Ды кадык истя ули свал!

О ГАЗЕТЕ "ЭРЗЯНЬ ПРАВДА"

Газета Эрзянь правда в настоящее время издается один раз в неделю на 16 страницах, четыре из них в цвете. Газета широко отражает вопросы общественно-политической, социально-экономической, культурной и духовной жизни республики, публикует международную информацию. «Эрзянь правда» распространяется в Оренбургской, Пензенской, Самарской, Ульяновской, Нижегородской областях, в республиках Татарстан, Чувашия, Башкортостан. Вместе с тем, для эрзян России вот уже не один год успешно функционирует электронная версия газеты, которую можно в настоящее время читать в Интернете. В этом большая заслуга всего редакционного коллектива газеты «Эрзянь правда».