Мордовиясо топавтови «Искусствань метаморфозат»: музыкань тюст эли живописень нотат?» (23-2-017570) Президентэнь грантонь фондонь проектэсь, конась касты эйкакштнень творческой ёнксост изобразительной искусствасо. Ансяк сехте редявиксэсь тесэ вана мейсэ: проектэсь топавтови профессиональной артисттнэнь марто!
Васняяк, «Торама» государственной фольклорной ансамблясонть теезельть вете фольклорной композицият. Мейле ютавтозельть мастер-класст, косо сыця шкань художниктненень эрявсь артомс марязь музыканть. Истя, «Торама» государственной фольклорной ансамблясь сёрмадсь ды морась «Кимань Тогайнясь», «Вай, дали-дали», «Курок, курок» ды лия морот. Неть творческой занятиятне ютавтовсть Саранскоень «Детская художественная школа № 2» ДО-нь МБУ-со. МР-нь культурань заслуженной важодицясь, «Торама» государственной фольклорной ансамблянь художественной руководителесь Дмитрий Еделькин эйкакштнень тонавтомаст туртов анокстась видеопрезентацият, конат максозельть «Искусствань метаморфозат» пелькстамос. Весе важодематнень организатортнэ вейсэндясызь ды невтьсызь итоговой презентациясонть, конась юты те ковонть прядовомсто.
Проектэсь тешксты минек раськень фольклоронть лия ёнов амолеманзо, кармавты вечкеме мазый гайгеманзо. Текень кувалма ноябрянь 11-це чистэ «Торама» государственной фольклорной ансамблясь кармась «Фолк-альбом «Радио России» передачань участникекс, косо авторось ды ветицясь Людмила Осипова весе масторонь келес кунсолыцятненень ёвтнесь минек раськень культурадонть ды «Искусствань метаморфозат»: музыкань тюст эли живописень нотат?» проектэнть эрявиксчидензэ. Течинь чинь пек эрявикс тевесь – те фольклорной музыканть гайгемазо васняяк эйкакштнень ды од ломантнень туртов, конатне путовольть бу седе тов покш питне тиринь раськень культурантень ды вечкевлизь сонзэ.
Проектэсь тешксты минек раськень фольклоронть лия ёнов амолеманзо, кармавты вечкеме мазый гайгеманзо. Текень кувалма ноябрянь 11-це чистэ «Торама» государственной фольклорной ансамблясь кармась «Фолк-альбом «Радио России» передачань участникекс, косо авторось ды ветицясь Людмила Осипова весе масторонь келес кунсолыцятненень ёвтнесь минек раськень культурадонть ды «Искусствань метаморфозат»: музыкань тюст эли живописень нотат?» проектэнть эрявиксчидензэ. Течинь чинь пек эрявикс тевесь – те фольклорной музыканть гайгемазо васняяк эйкакштнень ды од ломантнень туртов, конатне путовольть бу седе тов покш питне тиринь раськень культурантень ды вечкевлизь сонзэ.