Паро куля – Ф.В. Сычков лемсэ Саранскоень художественной училищань студенткась, ероков од тейтересь Мария Материкина кармась «Росмолодежь. Гранты» омбоце сезононь изницякс.

Изнямонь цетамотне евтазельть ноябрянь 10-це чистэ од ломанень форумонть шкасто. Эряви евтамс, омбоце сезононь участниктнень пельде максозельть 11 тежат яволявтомат, эйстэст ансяк 149 кармасть изницякс ды сыненст явовсь грант. Ютксост «Арт-пространство «ЭКОМИР» Мария Материкинань теварсевксэсь. Те проектэнть лувсо мероприятиятне кармить ютавтовомо сыця 2026 иестэ Саранскоень художественной школатнесэ. Весе сынь ютавтовить МР-нь Культурань, раськень политикань ды архивень тевень министерстванть лезксэнзэ вельде. Теварсевксэнть лувсо тейтересь аноксты экологиянь теманть лангс 40 графической важодевкст, конатнень пельде од ломантне кармить тонавтнеме тиринь региононь экологиянь культуранть.

Теварсевксэнь цетамось – «ЭКОМИР» книгась, конанть нолдасы «Национальная безопасность и наука» ИАЦ АНО-сь.