Пенза ёнксонь Кузнецк ошонь семиянек ловномань туртов библиотекасо Эрзянь ды мокшонь кельтнень весероссиянь чинтень ютавтозель «Келесь монь мазый ды виев» кенярксчись.

Вастовомась ушодовсь Пензань областень Эрзянь ды мокшонь раськень культурной автономиянь гимнанть морамосто. Теде мейле пурнавозтненень поздоров марто пшкадсь Кузнецк ошонь Эрзянь ды мокшонь раськетнень культурной автономиянь прявтось Н. А. Пинясов: «Эряви весе вейсэ ды башка-башка теемс весементь, мезесь ашти минек эйстэ, штобу ванстомс эрзянь ды мокшонь кельтнень. Кортадо эйкакшонк, нуцьканк марто тиринь кельсэ, ловнодо книгат, морадо морот. Кие жо а содасы келенть, эряви тонавтнемс. Кадык сынь эрить».

Вастовоманть лувсо пурнавозтне пелькстасть эрзянь ды мокшонь валмеревкстнэнь ды содамоёвкстнэнь содамосо, ловность содавикс сёрмадыцятнень произведенияст. Эрзянь кельсэ ловнызь «Ледстнема кев путынь эстень а кедьсэ стявтозь» стихотворениянть, мокшокс гайгсь «Тялонь илядь».

Библиотекань прявтось содавтынзе инжетнень эрзянь ды мокшонь раськетнень историянть марто. Кенярксчинь мазылгавтомакс ульнесь Андрей Бочкановонь «Мастор» моронть вейсэнь морамось.
Неть читнестэ тосо истяжо сермадсть эрзянь кельсэ диктант.