Ноябрянь 27-це чистэ 71 иесэ тусь эрямосто Александр Степанович Лузгин, Содавикс общественной деятелесь, учёноесь, историянь наукань докторось, профессорось.
Истят ломантнеде, кода А.С. Лузгин, кортыть: «Валдо прев, панжадо седей ды чевте ойме».
Сень лангс апак вано, кие икелензэ, сон весень марто кортась вейкетьстэ: парсте ды чевтестэ. Зярдояк ломантне эзть тукшно кедьстэнзэ мелень колазь. Эрьвантень сон макссь превть, кода витемс стака кевкстематнень, мезе теемс седе тов. Секскак ламот эйсэнзэ лемдсть народной министракс.
Александр Степанович чачсь 1949 иень январень 8-це чистэ Мордовской АССР-нь Торбеевань райононь Торбеева посёлкасо. 1966 иестэ прядызе Торбеевань школанть. Кавто иеть важодсь тосонь предприятиятнесэ, мейле – Саранскоень автосамосвалонь заводсо слесарекс-инструментальщикекс.
1968 иестэ сонзэ эрямосо ушодовсь од шка – кармась тонавтнеме Мордовской госпединститутонь филологиянь факультетсэ. Тонавтнемадо башка, Лузгин явсь мель научной тевтненень. Студентэнь научной важодемань коряс Весесоюзонь конкурссо сон лиссь изницякс, тень кисэ казизь РСФСР-нь Высшей ды средней образованиянь министрань грамотасо. Кавто иеть пединститутонь студентэнь отрядтнэ, конатнень прявтсоль А.С. Лузгин, республикасо сехте вадрятнень ютксольть. 1971 иестэ Александр Степанович казезель «За трудовую доблесть» медальсэ.
Од ломанесь бажась улемс учёноекс. 1973 иестэ сон мольсь тонавтнеме «Этнография» специальностенть коряс Мордовской АССР-нь Министрань Советэнть юрсо МНИИЯЛИЭ-нь аспирантурав. 1974-1975 иетнестэ служась армиясо. Тосто велявтомадо мейле поладызе тонавтнеманзо аспирантурасо. Сисем иеть важодсь тосо научной сотрудникекс. Сон невтизе прянзо научной экспедициятнесэ, конференциятнесэ, анокстась издательской проектт. 1981 иестэ од учёноесь идизе кандидатской диссертациянзо. 1986 иестэ саезь Лузгинэнь тердизь партиянь обкомонь лекторонь группав, мейле ютавтызь КПСС-нь обкомонь консультантокс.
1990-це иетнестэ ушодовсть а шожда шкатне. А.С. Лузгин важодсь МАССР-нь правительствасо, 1992 иестэ саезь 1998 иес ульнесь Мордовской книжной издательствань прявтокс, мейле, 2003 иенть самс, – МР-нь Печатень ды информациянь министракс. Александр Степанович кармась минек республикасо эриця раськетнень национальной развитиянь ды межнациональной сотрудничествань программань теицякс. Сонзэ покш таликазо «Мордовия» кавто томсо энциклопедиянть анокстамосо, «Всё о Мордовии», «С. Эрьзя на Родине», «Серафим Саровский» альбомтнень, «Маршал Ахромеев: роковой август» книганть ды лия изданиятнень нолдамосо.
2003 иестэ саезь 2013 иес Александр Степанович важодсь Национальной политикань коряс госкомитетэнь председателекс, министракс. Весе те шканть перть сонзэ структурась ветясь кеме важодема государственной национальной политиканть тевс нолдамосо. Саемга, пурназельть Мордовиясо эриця раськетнень национально-культурной автономиятне.
2003 иестэ Госкомнацось ды РФ-нь эрзянь-мокшонь национально-культурной автономиятне совавтыть эрямос эрьва кодат од проектт. Сынст ютксто вейкесь – «Волга – река мира. Диалог культур волжских народов» раськеютконь этнокультурной проектэсь, кона вейсэндинзе Рав чиресэ эриця раськетнень.
А.С. Лузгинэнь важодемстэ анокстазельть ды ютавтозельть истят покш мероприятиятне, кода: «Шумбрат, Финно-Угрия!» раськеютконь фестивалесь ды «1000-летие единения мордовского народа с народами Российского государства» покш чись. Вейсэндявомань тёжа иень юбилейденть икеле А.С. Лузгин ульнесь РФ-нь регионтнэсэ Мордовия Республикань культурань читнень ютавтомань анокстыцякс. 2009 иестэ саезь 2012 иенть самс истят культурань читне ютасть ламо регионсо, сынст ютксо Дагестансо, Ингушетиясо, Чеченской Республикасо, Кабардино-Балкариясо.
Александр Степанович кочказель делегатокс Эрзянь ды мокшонь раськень промкстнэс, РФ-нь финнэнь-угрань раськень съездтнэс ды Весемирэнь конгресстнэс.
А.С. Лузгин ульнесь МР-нь Правительствань членэкс, теке жо шкане ветясь научно-педагогической тевть, кемень иень перть кочкавкшнось Н.П. Огарёв лемсэ МГУ-нь Национальной культурань институтонь профессорокс.
2014 иестэ Эрзянь ды мокшонь раськень промкссонть сон кочказель Эрзянь ды мокшонь раськень регионъютконь общественной вейсэндявксонь исполнительной комитетэнь прявтокс. Меельце иетнень перть ветясь важодема те вейсэндявксонь райононь ды республикань томбалень куротнень марто.
Истя, ютавтозельть «Шумбрат» национально-фольклорной кенярксчитне, «Мордовия мастеровая» проектэсь, «Мон кочкан Мордовиянть» весероссиянь пелькстамось, гражданской единениянь ды патриотизмань урокт, конат алтавсть М.П. Девятаевень 100 иетненень.
А.С. Лузгин учёноесь – «Промыслы и ремесла в социально-экономической жизни населения Мордовии» пек эрявикс направлениянь автор. Те теманть коряс 2002 иестэ идесь диссертация (исторической наукань докторонь лементь кис). Сёрмадсь «Промыслы Мордовии» (1993), «Жизнь промыслов» (2001), «Промыслы и мастеровые люди Мордовии» (2009), «Народные промыслы мордовского края» (2016), «Мордовия мастеровая» (2018) монографият, конатненень ловныцятне ды научной общественностесь макссть покш питне. Сон тейсь покш путовкс региононь этнографиянть, краеведениянь историянть ды Россиянь родиноведениянть виевгадомасо. Сонзэ научной важодеманзо – статьятне, монографиятне, учебно-педагогической изданиятне – теевсть столь лангонь книгакс ламо студенттнэнь туртов.
Александр Степанович кармась РФ-нь финнэнь-угрань регионтнэнь народной художественной промыслань Весероссиянь выставкань-ярмункань пурныцятнень ютксто вейкекс. Сынь ютасть Саранскойсэ.
А.С. Лузгин паро важодеманзо кисэ казезь ламо казнесэ. Сон – МР-нь государственной властень органтнэнь заслуженной роботник (2008), литературань, искусствань ды публицистикань коряс МР-нь Государственной премиянь лауреат (1999), улить ламо лия государственной ды ведомственной казнензэ.
Александр Степановичень парсте содасызь весе сеть таркатнева, косо эрить эрзятне ды мокшотне, эсь республикасонок теевсь малавикс ломанекс Мордовиясо эриця ламо лия раськень ломантнень туртовгак. Сонзэ куломадо кулясь пек токинзе весень. Те покш ёмавкс. Теке жо ковстонть коронавирусонь стака ормадонть тусь эрямосто низэяк – Надежда Алексеевна. Сон пингензэ перть важодсь школасо биологиянь тонавтыцякс. Ульнесь истямо жо валдо ойме ды чевте седей ломанекс.
Александр Степанович чачсь 1949 иень январень 8-це чистэ Мордовской АССР-нь Торбеевань райононь Торбеева посёлкасо. 1966 иестэ прядызе Торбеевань школанть. Кавто иеть важодсь тосонь предприятиятнесэ, мейле – Саранскоень автосамосвалонь заводсо слесарекс-инструментальщикекс.
1968 иестэ сонзэ эрямосо ушодовсь од шка – кармась тонавтнеме Мордовской госпединститутонь филологиянь факультетсэ. Тонавтнемадо башка, Лузгин явсь мель научной тевтненень. Студентэнь научной важодемань коряс Весесоюзонь конкурссо сон лиссь изницякс, тень кисэ казизь РСФСР-нь Высшей ды средней образованиянь министрань грамотасо. Кавто иеть пединститутонь студентэнь отрядтнэ, конатнень прявтсоль А.С. Лузгин, республикасо сехте вадрятнень ютксольть. 1971 иестэ Александр Степанович казезель «За трудовую доблесть» медальсэ.
Од ломанесь бажась улемс учёноекс. 1973 иестэ сон мольсь тонавтнеме «Этнография» специальностенть коряс Мордовской АССР-нь Министрань Советэнть юрсо МНИИЯЛИЭ-нь аспирантурав. 1974-1975 иетнестэ служась армиясо. Тосто велявтомадо мейле поладызе тонавтнеманзо аспирантурасо. Сисем иеть важодсь тосо научной сотрудникекс. Сон невтизе прянзо научной экспедициятнесэ, конференциятнесэ, анокстась издательской проектт. 1981 иестэ од учёноесь идизе кандидатской диссертациянзо. 1986 иестэ саезь Лузгинэнь тердизь партиянь обкомонь лекторонь группав, мейле ютавтызь КПСС-нь обкомонь консультантокс.
1990-це иетнестэ ушодовсть а шожда шкатне. А.С. Лузгин важодсь МАССР-нь правительствасо, 1992 иестэ саезь 1998 иес ульнесь Мордовской книжной издательствань прявтокс, мейле, 2003 иенть самс, – МР-нь Печатень ды информациянь министракс. Александр Степанович кармась минек республикасо эриця раськетнень национальной развитиянь ды межнациональной сотрудничествань программань теицякс. Сонзэ покш таликазо «Мордовия» кавто томсо энциклопедиянть анокстамосо, «Всё о Мордовии», «С. Эрьзя на Родине», «Серафим Саровский» альбомтнень, «Маршал Ахромеев: роковой август» книганть ды лия изданиятнень нолдамосо.
2003 иестэ саезь 2013 иес Александр Степанович важодсь Национальной политикань коряс госкомитетэнь председателекс, министракс. Весе те шканть перть сонзэ структурась ветясь кеме важодема государственной национальной политиканть тевс нолдамосо. Саемга, пурназельть Мордовиясо эриця раськетнень национально-культурной автономиятне.
2003 иестэ Госкомнацось ды РФ-нь эрзянь-мокшонь национально-культурной автономиятне совавтыть эрямос эрьва кодат од проектт. Сынст ютксто вейкесь – «Волга – река мира. Диалог культур волжских народов» раськеютконь этнокультурной проектэсь, кона вейсэндинзе Рав чиресэ эриця раськетнень.
А.С. Лузгинэнь важодемстэ анокстазельть ды ютавтозельть истят покш мероприятиятне, кода: «Шумбрат, Финно-Угрия!» раськеютконь фестивалесь ды «1000-летие единения мордовского народа с народами Российского государства» покш чись. Вейсэндявомань тёжа иень юбилейденть икеле А.С. Лузгин ульнесь РФ-нь регионтнэсэ Мордовия Республикань культурань читнень ютавтомань анокстыцякс. 2009 иестэ саезь 2012 иенть самс истят культурань читне ютасть ламо регионсо, сынст ютксо Дагестансо, Ингушетиясо, Чеченской Республикасо, Кабардино-Балкариясо.
Александр Степанович кочказель делегатокс Эрзянь ды мокшонь раськень промкстнэс, РФ-нь финнэнь-угрань раськень съездтнэс ды Весемирэнь конгресстнэс.
А.С. Лузгин ульнесь МР-нь Правительствань членэкс, теке жо шкане ветясь научно-педагогической тевть, кемень иень перть кочкавкшнось Н.П. Огарёв лемсэ МГУ-нь Национальной культурань институтонь профессорокс.
2014 иестэ Эрзянь ды мокшонь раськень промкссонть сон кочказель Эрзянь ды мокшонь раськень регионъютконь общественной вейсэндявксонь исполнительной комитетэнь прявтокс. Меельце иетнень перть ветясь важодема те вейсэндявксонь райононь ды республикань томбалень куротнень марто.
Истя, ютавтозельть «Шумбрат» национально-фольклорной кенярксчитне, «Мордовия мастеровая» проектэсь, «Мон кочкан Мордовиянть» весероссиянь пелькстамось, гражданской единениянь ды патриотизмань урокт, конат алтавсть М.П. Девятаевень 100 иетненень.
А.С. Лузгин учёноесь – «Промыслы и ремесла в социально-экономической жизни населения Мордовии» пек эрявикс направлениянь автор. Те теманть коряс 2002 иестэ идесь диссертация (исторической наукань докторонь лементь кис). Сёрмадсь «Промыслы Мордовии» (1993), «Жизнь промыслов» (2001), «Промыслы и мастеровые люди Мордовии» (2009), «Народные промыслы мордовского края» (2016), «Мордовия мастеровая» (2018) монографият, конатненень ловныцятне ды научной общественностесь макссть покш питне. Сон тейсь покш путовкс региононь этнографиянть, краеведениянь историянть ды Россиянь родиноведениянть виевгадомасо. Сонзэ научной важодеманзо – статьятне, монографиятне, учебно-педагогической изданиятне – теевсть столь лангонь книгакс ламо студенттнэнь туртов.
Александр Степанович кармась РФ-нь финнэнь-угрань регионтнэнь народной художественной промыслань Весероссиянь выставкань-ярмункань пурныцятнень ютксто вейкекс. Сынь ютасть Саранскойсэ.
А.С. Лузгин паро важодеманзо кисэ казезь ламо казнесэ. Сон – МР-нь государственной властень органтнэнь заслуженной роботник (2008), литературань, искусствань ды публицистикань коряс МР-нь Государственной премиянь лауреат (1999), улить ламо лия государственной ды ведомственной казнензэ.
Александр Степановичень парсте содасызь весе сеть таркатнева, косо эрить эрзятне ды мокшотне, эсь республикасонок теевсь малавикс ломанекс Мордовиясо эриця ламо лия раськень ломантнень туртовгак. Сонзэ куломадо кулясь пек токинзе весень. Те покш ёмавкс. Теке жо ковстонть коронавирусонь стака ормадонть тусь эрямосто низэяк – Надежда Алексеевна. Сон пингензэ перть важодсь школасо биологиянь тонавтыцякс. Ульнесь истямо жо валдо ойме ды чевте седей ломанекс.