«Агрофирма «Искра» ОАО-сь – Отяжелень райононь велень хозяйствань предприятиясь сови сехте виевтнень юткс. Важоди сон Покш Манадыши велесэ. Прявтось тесэ вана уш ламо иень перть эсь тевень парсте содыця, превей, видечинть кисэ аштиця аграриесь Павел Степанович ШИЛОВ.
Сон весементь теи велень эрицятнень ды тесэнь хозяйстванть лезэс. Эряви меремс, велень эрицятнеяк тевень вечкицят: малав эрьва кудосо трить-кастыть ракшат, теде башка, агрофирмасонтькак важодить весе виень путозь. Покш Манадышисэ жо истямо ваньксчи, кодамо ошсояк аволь свал вастат. Кода тешкстыть сынсь эрицятне, тень мельга пштистэ ваны аволь ансяк велень администрациясь, агрофирмань прявтоськак.
Течинь чине «Агрофирма «Искра» предприятиясонть важодить сядодо ламо ломанть. Ламо иеть, 1999 иестэ саезь, велень хозяйстванть юрсо роботы ловсосто оень ды сырань теема цех. Ней тесэ важодить вете ломанть: цехень прявтось Наталья Борисовна Сульдина, микробиологось ды теке марто мастерэсь Наталья Александровна Гурьянова, аппаратчицатне Елена Вячеславовна Селькина, Марина Николаевна Иванушкина, операторось Иван Алякин ды робочеесь Наталья Иванушкина. Сынст кедьсэ теезь продукциянть вечксызь Мордовиянь весе эрицятне: покштнеяк, вишкинетнеяк. Сон моли Отяжелень, Чаунзань, Саранск ошонь эйдень кужотнева ды микшневи прявт ошсо недлячинь ярмункатнесэ, республикань рынкатнесэ ды лавкатнесэ. Неть читнестэ минь содавтынек агрофирмань ловсонь переработкань вишка предприятиянть ды вастовинек микробиологонть, цехень мастерэнть Н. А. Гурьянова марто. Сон ёвтнесь, кодамо лувсо юты важодема чизэ ды мейсэ тесэнь продукциясь явови лиятнень эйстэ.
– Минек цехсэнть анокстави пек вадря, тантей продукция. Тевс а нолдавить кодаткак човорявкст, – тешксты Наталья Александровна. – Ансяк потявтозь ловсось эсенек фермасто трубатнева юты видьстэ цехс, косо теевить скалоесь, топось, вельксэсь, йогуртось, режнезь ловсось, ловсось явшеви упаковкава. Весемезэ кеменде ламо лемть. Скалтнэ агрофирмасонть кирдевить олясо, ванькс коштсо, андовить парсте, секскак ловсось пек тантей ды оев. Цехс пачкодезь, ловсось юты нормализация, мейле – пастеризация, кельмевтеви ды пештяви упаковкава.
Чизэнзэ цехсэнть нолдыть малав 5 тоннат продукция. Важодить весе вешематнень топавтозь ды яволявтоматнень коряс. Кода уш ёвтынек, весе ловсось эсест хозяйствань. Тесэ кирдевить 1200 сюракшов ракшат, эйстэст 500-тне – скалт.
– Эсь продукциянть теемстэ башка мель явтано ваньксчинтень, – корты Наталья Гурьянова. – Тень пельденек веши минек прявтось Павел Степанович Шилов. Секскак ГОСТ-нь весе вешематне, технологиянь ёнкстнэ топавтовить. Весемесь тееви ванькс ловсосто. Йогурттнэс каявить ягодань джемть ды сахар, аволь сынст полавтыця консерванттнэ.
Сонсь Наталья Александровна важоди ловсонь, сырань ды оень теема цехсэнть уш кемгавксово иеть. Сась тейтерь-авась Манадыши велев комсьнилее иеде теде икеле Казахстансто Караганда ошонь государственной университетэнть прядомадо мейле. Сон – химик. Мордовияв сазь, муизе тестэ уцясканзо, лиссь мирденень ды ней предприятиясонть топавты микробиологонь тевтнень: вешни ули-арась ловсосонть патологической микрофлора, теи посевть, лиякс меремс, ваны, штобу весе продукциясь улевель ансяк шумбрачинь паролгавтыця, организмантень лезэв веществатнень кандыця.
– Минек пек вадря, тевень чарькодиця ды дока прявтонок, – тешксты Наталья Александровна. – Павел Степанович алкукс мелявты эсь веленть, эрицятнень, предприятиянть кисэ. Тесэ сон од порасто саезь ды пек парсте содасынзе тевтнень-мелявкстнэнь. Минь тензэ ёвтатано покш сюкпря. Кие соды, кодамо эрямось улевель велесэнек, бути аволь сон? Самай истятнэнь лангсо весемесь кирдевияк.
Марина Девятова
Течинь чине «Агрофирма «Искра» предприятиясонть важодить сядодо ламо ломанть. Ламо иеть, 1999 иестэ саезь, велень хозяйстванть юрсо роботы ловсосто оень ды сырань теема цех. Ней тесэ важодить вете ломанть: цехень прявтось Наталья Борисовна Сульдина, микробиологось ды теке марто мастерэсь Наталья Александровна Гурьянова, аппаратчицатне Елена Вячеславовна Селькина, Марина Николаевна Иванушкина, операторось Иван Алякин ды робочеесь Наталья Иванушкина. Сынст кедьсэ теезь продукциянть вечксызь Мордовиянь весе эрицятне: покштнеяк, вишкинетнеяк. Сон моли Отяжелень, Чаунзань, Саранск ошонь эйдень кужотнева ды микшневи прявт ошсо недлячинь ярмункатнесэ, республикань рынкатнесэ ды лавкатнесэ. Неть читнестэ минь содавтынек агрофирмань ловсонь переработкань вишка предприятиянть ды вастовинек микробиологонть, цехень мастерэнть Н. А. Гурьянова марто. Сон ёвтнесь, кодамо лувсо юты важодема чизэ ды мейсэ тесэнь продукциясь явови лиятнень эйстэ.
– Минек цехсэнть анокстави пек вадря, тантей продукция. Тевс а нолдавить кодаткак човорявкст, – тешксты Наталья Александровна. – Ансяк потявтозь ловсось эсенек фермасто трубатнева юты видьстэ цехс, косо теевить скалоесь, топось, вельксэсь, йогуртось, режнезь ловсось, ловсось явшеви упаковкава. Весемезэ кеменде ламо лемть. Скалтнэ агрофирмасонть кирдевить олясо, ванькс коштсо, андовить парсте, секскак ловсось пек тантей ды оев. Цехс пачкодезь, ловсось юты нормализация, мейле – пастеризация, кельмевтеви ды пештяви упаковкава.
Чизэнзэ цехсэнть нолдыть малав 5 тоннат продукция. Важодить весе вешематнень топавтозь ды яволявтоматнень коряс. Кода уш ёвтынек, весе ловсось эсест хозяйствань. Тесэ кирдевить 1200 сюракшов ракшат, эйстэст 500-тне – скалт.
– Эсь продукциянть теемстэ башка мель явтано ваньксчинтень, – корты Наталья Гурьянова. – Тень пельденек веши минек прявтось Павел Степанович Шилов. Секскак ГОСТ-нь весе вешематне, технологиянь ёнкстнэ топавтовить. Весемесь тееви ванькс ловсосто. Йогурттнэс каявить ягодань джемть ды сахар, аволь сынст полавтыця консерванттнэ.
Сонсь Наталья Александровна важоди ловсонь, сырань ды оень теема цехсэнть уш кемгавксово иеть. Сась тейтерь-авась Манадыши велев комсьнилее иеде теде икеле Казахстансто Караганда ошонь государственной университетэнть прядомадо мейле. Сон – химик. Мордовияв сазь, муизе тестэ уцясканзо, лиссь мирденень ды ней предприятиясонть топавты микробиологонь тевтнень: вешни ули-арась ловсосонть патологической микрофлора, теи посевть, лиякс меремс, ваны, штобу весе продукциясь улевель ансяк шумбрачинь паролгавтыця, организмантень лезэв веществатнень кандыця.
– Минек пек вадря, тевень чарькодиця ды дока прявтонок, – тешксты Наталья Александровна. – Павел Степанович алкукс мелявты эсь веленть, эрицятнень, предприятиянть кисэ. Тесэ сон од порасто саезь ды пек парсте содасынзе тевтнень-мелявкстнэнь. Минь тензэ ёвтатано покш сюкпря. Кие соды, кодамо эрямось улевель велесэнек, бути аволь сон? Самай истятнэнь лангсо весемесь кирдевияк.
Марина Девятова