Течи Мордовия Республикань Пресс-центрасо ютавтовсь вастовома, косо мольсь кортамо коронавирусонь инфекциясо сэредицятнеде, эпидемиологиянь тевтнеде, COVID-19 каршо прививкань путомадо, минек эрицятнень шумбрачист ванстомань мератнеде ды санитарно-эпидемиологической вешематнень топавтомадо.
Журналисттнэнь кевкстемаст лангс каршо валть макссть Мордовия Республикань Правительствань Председателень полавтыцянь тевтнень топавтыцясь Галина Лотванова, МР-нь Здравоохранениянь министрань тевтнень топавтыцясь Олег Маркин, МР-ва Роспотребнадзоронь прявтонь полавтыцясь Наталья Фадеева, МР-нь Здравоохранениянь министерствань главной внештатной специалистэсь, эпидемиологось Михаил Чумаков.
Вастовомасонть тешкстазель, ормань киртямось моли пек стакасто. Сэредицятнень ютксо ламо сыре ломанть, кинень 65 иеде ламо.
Неень шкане пек стака важодемс врачтненень, медсестратненень ды санитаркатненень. Панжозь ковидэнь 16 госпитальть.
Эряви весенень ванстомс шумбрачинть: кандтнемс маскат, вейкень-вейкень эйстэ улемс ве ено ды топавтомс лия вешематнень.