Пятница, марта 29, 2024
Важное

Сегодня в нашей стране свой профессиональный праздник отмечают медицинские сёстры. Накануне Международного дня медицинских сестёр журналисты республиканской газеты «Эрзянь правда» посетили ГБУЗ РМ «Республиканский онкологический диспансер», где трудятся замечательные специалисты.


Мы познакомились с главной медицинской сестрой Татьяной Евгеньевной Ботанициной, которая совсем недавно приступила к своим новым обязанностям и уже в курсе всех событий. Публикации, посвящённые этому празднику, читайте в следующем номере нашей газеты.


Маень 12-це чистэ масторонь келес тешкстави Раськеютконь Медицинской сестрань чись. Те кенярксчиденть икеле чистэнть «Эрзянь правда» газетань журналисттнэ ульнесть «Республиканской онкологической диспансер» МР-нь здравоохранениянь государственной бюджетной учреждениясонть.
Неень шкань од технологиятнень эрямос совавтомаст пингстэ ламо тевть кармасть топавтовомо элктрониканть вельде. Ансяк кодамояк научной панжовксонь вельде а полавтови медицинской сестратнень важодемаст.

Валксе ранаяк минь ульнинек республикань онкологиянь диспансерсэнть, те лецямонь учреждениясь пек явови сеть лия клиникатнеде, ков ломантне сеедьстэ пшкалить ормаст лангс ливтемань, эли жо мадить больницяв шумбрачист ванстомга (профилактикань коряс). Тей жо ломантне вансняяк сыть сыненст путозь стака орманть (диагнозонть) марто, лиясто, зярдо эрямо таркань коряс больницятнесэ врачтнень улить кавтолдомаст орманть коряс.
А мезть сёпомс, те поликлиникантень молиця ломантнень ютксто малав весень чачост потмуральть, кода сынсест сэредицятнень, истя жо мартост молицятненьгак. Весе тень редязь-неезь аволь кенярксов ёжомарямост тосонь важодицятненьгак. Кода эзть бажа сынь минек вастомс лембестэ, сеть сельмтне, конат эрьва чистэ неить стака ормат, сельведть, пачтясть потмо ёжодост. Кода видькстась тенек вейке медсестрась, стака орманть редязь, зярдо неят ломанентень кадовсь эрямс допрок аламо иеть, ковт, чить, – зярдояк тенень а тонадат. Эрьва ломанень уцяскась прок сардокс сови седеентень, ойментень ды сонзэ нусманя варштавксось кувать кадови ледстнематнес.

Валскень рапортонь ютамодо мейле минь пшкадинек республиканской онкологической диспансерэнь главной медсестрантень Татьяна Евгеньевна Ботаницинанень. Кевкстинек сеть медсестратнень лемест, кить умок ды парсте важодить лецямонь те учреждениясонть. Тешкстаса, мейсэ пек стакалгавтынек тевензэ. Эдь тесэ эрьва медсестрась бажи важодеманзо топавтомс истя, штобу куш аламодо шождалгавтомс ормалгадозенть сэредьксэнзэ ды каземс тензэ кемема вандынь чинтень.

– Неень шкане минек диспансерсэнть важодить подразделениянь 25 старшей медсестрат, койсэнь, минек профессиясо кенярксчинь коряс кинь-бути башка тешкстамс карми улеме а виде, – мерсь Татьяна Евгеньевна. Эдь юткстост эрьвась бажи тевензэ топавтомс истя, кода сонзэ тонавтызь, кода тензэ невтизь навтавниктне важодеме ушодомсто. Васень таркас жо весе сынь аравтыть седеймарямонть, чевте, лембе валонть.

Валентина Юдина

О ГАЗЕТЕ "ЭРЗЯНЬ ПРАВДА"

Газета Эрзянь правда в настоящее время издается один раз в неделю на 16 страницах, четыре из них в цвете. Газета широко отражает вопросы общественно-политической, социально-экономической, культурной и духовной жизни республики, публикует международную информацию. «Эрзянь правда» распространяется в Оренбургской, Пензенской, Самарской, Ульяновской, Нижегородской областях, в республиках Татарстан, Чувашия, Башкортостан. Вместе с тем, для эрзян России вот уже не один год успешно функционирует электронная версия газеты, которую можно в настоящее время читать в Интернете. В этом большая заслуга всего редакционного коллектива газеты «Эрзянь правда».