Мордовиянь мельвановикс эрицят! Вечкевикс ялгат! Ёвтан тенк седейшкавань поздоровт сехте вадря, мазый ды семиянь кенярксчитнень марто – Од иенть ды Роштованть!
Прядовиця иесь кармась а шождакс минек масторонть ды республиканть туртов. Минь эшкевинек вейсэнь зыянонть марто, конась полавтызе минек эрямонок. Од условиятнесэ савсь роботамс тонавтыцятненень ды воспитательтненень, минек организациятнесэ ды предприятиятнесэ важодицятненень, предпринимательтненень. Кезовось кармавтымизь минек вейсэндявомс, кемекстамс вийтнень, невтемс сехте вадря ёнкстнэнь. Ёвтан покш сюкпря медицинасо эрьва важодицянтень, эрьва волонтёронтень, весенень, кие течи тевсэ лезды изнямс те стака зыянонть, кие эсь важодема таркатнесэ топавты весе региононть вадрячинзэ. Кеман, весе стакачитнень ды киртямотнень лангс апак вано, Мордовиясь поладсы эсь касоманть-виевгадоманть. Миненек вейсэ эряви совавтомс эрямос ламо аравтлувт ды проектт промышленностьсэ ды социальной сферасо. Минек прявт кемекстамотне – важодемань од таркатнень панжомась оштнесэ ды муниципальной районтнэсэ, зарплататнень кастомась, национальной проекттнэнь топавтомась, ёроков ломантненень лездамось, конат бажить кандомс лезкс тиринь масторонтень. Кемекстазенть топавтомга эрявить вийть ды мельть-бажамот, конат лездыть топавтомс арсезенть. Минь васттано 2021 иенть од изнявкстнэс кемема марто. Кадык Од иесь ды Роштовась валдомгавтсызь минек кудотнень вечкемасо, кецямосо ды лембесэ, панжить эйсэнек вийть од ушодкстнэнень! Республикань весе эрицятненень арсян шумбрачи, уцяска, вечкема, сехте учовикс мельтнень-бажамотнень топавтома!