Пятница, марта 29, 2024
Важное
Мордовиянь Прявтонь тевтнень топавтыцясь Артём Здунов Россиянь Конституциянь чинть каршо ульнесь кенярксчинь промкссонть, конась ютавтовсь Республикань Кудосонть. Сон тешкстызе, Конституциянь примамонь чистэнть, 1993 иень ацамковонь 12-це чистэнть, путозь ушодкс масторонь уцяскасо од шкантень.
 

«Россиянь эрицятне теизь эсест кочкамост – государствань вейкетьксчинть, закононь ды видечинь тёкшос путоманть (верховенство?), икелев молеманть ды олячисэ касоманть-кепетеманть лезэс, – мерсь Артём Здунов. – Од Конституциянь примамонь чистэнть саезь масторсонть лиссть покш полавтомат. Минь рединек стабильностенть ды порядоконть, виевгавтынек властень органтнэнень кемеманть, покш учома марто ванынек вандынь чинтень».

Мордовиянь Прявтонь тевтнень топавтыцясь ледстизе, Россиянь Президентэсь В.В. Путин тешкстызе, минек Конституциясь невтизе эсензэ лезэвчинзэ. Обществась лиссь касомань-кепетемань од уровнянтень. Ломантне бажить молемс икелев, анокт саемс эсест лангс ответственность башка тевтнень, полавтоматнень кисэ.

Артём Здунов мерсь, Весероссиянь вайгелень максомась ды сонзэ результаттнэ невтизь, Президентэнь весе ушодкстнэнь кирдизь ламот эрицятне.

Тешкстазель, башка мель карми явозь социальной сферантень ды гражданской обществань виевгавтомантень. «Тень кувалма мон кеман тынк лезксэнк лангс, истя жо здравоохранениянь, образованиянь, наукань, спортонь учреждениятнень, политической партиятнень, профсоюзтнэнь, общественной организациятнень, СМИ-нь прявттнэнь пельде», – тешкстызе Артём Здунов.

Мордовиянь Прявтонь тевтнень топавтыцясь пшкадсь од ломантненень, конатненень те чистэнть максозь паспортт. «Кирдеде мельсэнк, 2020 иесь минек масторонть туртов лиятнень ёнов а молиця – те Ине Отечественной войнасо Изнямонь 75 иетнень топодемась. Минек геройтне олякстомтызь Тиринь масторонть ды весе масторлангонть фашизманть эйстэ. Илядо стувтне теде. Истя жо яводо мель, неень шкань геройтне минек ютксот – те врачт, волонтёрт», – тешкстызе сон.

Кенярксчинь промксонть лувсо Артём Здунов явшесь государственной наградат.

Казнеть истя жо явшесь МР-нь Госсобраниянь Председателесь Владимир Чибиркин. Теде башка, Владимир Васильевич каясь Од иень кузонть лангсто кавто шарт, конатнесэ сермадозельть республикань кавто эрицятнень сехте покш мелест-бажамост ды топавтынзе сынст.

О ГАЗЕТЕ "ЭРЗЯНЬ ПРАВДА"

Газета Эрзянь правда в настоящее время издается один раз в неделю на 16 страницах, четыре из них в цвете. Газета широко отражает вопросы общественно-политической, социально-экономической, культурной и духовной жизни республики, публикует международную информацию. «Эрзянь правда» распространяется в Оренбургской, Пензенской, Самарской, Ульяновской, Нижегородской областях, в республиках Татарстан, Чувашия, Башкортостан. Вместе с тем, для эрзян России вот уже не один год успешно функционирует электронная версия газеты, которую можно в настоящее время читать в Интернете. В этом большая заслуга всего редакционного коллектива газеты «Эрзянь правда».