Пондельникстэ Печатень кудосо ютавтовсь пресс-конференция, кона алтазель Россиянь студентэнь отрядтнэнь кенярксчист тешкстамонтень.
Журналисттнэнь марто вастовомантень сакшность МР-нь Спортонь, од ломанень политикань ды туризмань министрань полавтыцясь Андрей Соломкин ды «Российские студенческие отряды» МООО-нь Мордовиянь отделениянь ветицясь Алексей Нагин.
Андрей Соломкин тешкстызе, Мордовиянь студентэнь отрядтнэ ламот невтевкстнэнь коряс саить васенце таркат масторсонть. Сынст ули весероссиянь ды раськеютконь проекттнэнь топавтомань покш опытэст. Студотрядтнэнь юрсо ветяви покш важодема патриотизмань кемекстамонть, волонтёронь, педагогической ды строямонь тевтеемань виевгавтоманть коряс.
– Минь свал лездатано од ломанень неть вейсэндявкстнэнень. Неень шкане Мордовиясо молить анокстамот 2020 иень кизэнтень. Кеман, од ломантне теить покш путовкс Ине Отечественной войнасо Изнямонь 75 иетнень тешкстамонтень, – мерсь Андрей Соломкин.
Мордовиясо студентэнь отрядтнэ важодить кавксо ёнксонь коряс: строямонь, научно-производственной, велень хозяйствань, педагогической, проводникень отрядт, истя жо сервисэнь ды инжень вастомань. Сынст ютксо кавто одт – медицинань отряд ды кемгавксово иеде седе вишкинетнень важодемань отряд.
Медицинань отрядонтень совиця студенттнэ кизна кармить важодеме эйкакштнень шумбрачист витемань лагертнесэ ды райононь больницятнесэ полавтсызь медицинань младшей сотрудниктнень, зярс тонат кармить отпусксо. Неень шкане сынь ютыть анокстамо ды совить «Десант Победы» акциянтень: лездыть Ине Отечественной войнань ветерантнэнень, тылэнь важодицятненень, войнань эйкакштненень.
– Мордовиянь студентэнь строямонь отрядтнэ свал тосот, косо молить покш стройкат. Масторонь содавикс эйкакшонь лагертнесэ важодить минек вожатойтне. Сервисэнь ды инжень вастомань отрядтнэ топавтыть тевест Краснодарской краень ды Крымень гостиницатнесэ, – мерсь Алексей Нагин. – Мелят студентэнь отрядтнэсэ важодсть 1820 ломанть. Тедеде минь арсетяно ламолгавтомс боецтнэнь. Студентэнь отрядтнэс кандидаттнэнь саемась поладови.
Татьяна ИКОННИКОВА
Андрей Соломкин тешкстызе, Мордовиянь студентэнь отрядтнэ ламот невтевкстнэнь коряс саить васенце таркат масторсонть. Сынст ули весероссиянь ды раськеютконь проекттнэнь топавтомань покш опытэст. Студотрядтнэнь юрсо ветяви покш важодема патриотизмань кемекстамонть, волонтёронь, педагогической ды строямонь тевтеемань виевгавтоманть коряс.
– Минь свал лездатано од ломанень неть вейсэндявкстнэнень. Неень шкане Мордовиясо молить анокстамот 2020 иень кизэнтень. Кеман, од ломантне теить покш путовкс Ине Отечественной войнасо Изнямонь 75 иетнень тешкстамонтень, – мерсь Андрей Соломкин.
Мордовиясо студентэнь отрядтнэ важодить кавксо ёнксонь коряс: строямонь, научно-производственной, велень хозяйствань, педагогической, проводникень отрядт, истя жо сервисэнь ды инжень вастомань. Сынст ютксо кавто одт – медицинань отряд ды кемгавксово иеде седе вишкинетнень важодемань отряд.
Медицинань отрядонтень совиця студенттнэ кизна кармить важодеме эйкакштнень шумбрачист витемань лагертнесэ ды райононь больницятнесэ полавтсызь медицинань младшей сотрудниктнень, зярс тонат кармить отпусксо. Неень шкане сынь ютыть анокстамо ды совить «Десант Победы» акциянтень: лездыть Ине Отечественной войнань ветерантнэнень, тылэнь важодицятненень, войнань эйкакштненень.
– Мордовиянь студентэнь строямонь отрядтнэ свал тосот, косо молить покш стройкат. Масторонь содавикс эйкакшонь лагертнесэ важодить минек вожатойтне. Сервисэнь ды инжень вастомань отрядтнэ топавтыть тевест Краснодарской краень ды Крымень гостиницатнесэ, – мерсь Алексей Нагин. – Мелят студентэнь отрядтнэсэ важодсть 1820 ломанть. Тедеде минь арсетяно ламолгавтомс боецтнэнь. Студентэнь отрядтнэс кандидаттнэнь саемась поладови.
Татьяна ИКОННИКОВА