Течи Советской площадьсэ ютась «Флаг моего государства» акция. Сон алтавсь Россиясо государственной флагонь чинтень.
МР-нь Прявтонть Артём Здуновонь ды депутаттнэнь пельде лембе валт ёвтась МР-нь Государственной Собраниянь Председателесь Владимир Чибиркин:
– Минек флагось – покш ды ине масторонь тешксэсь. Сон – ламо раськень Россиянть изнявкстнэнь тешкс. 300 иетнень перть флагось макссь вийть минек ломантненень, сонзэ марто тейсть паро тевть тиринь масторонть кисэ. Неень шканеяк масторонок, минек республикань эрицятне ванстыть тиринь ёнксонть. Эряви молемс ансяк икелев, ансяк изнямс!
Государственной флагонть кепедизь МР-нь Госсобраниянь Председателесь Владимир Чибиркин, Весероссиянь ды республикань олимпиадань, пелькстамонь изницятне Ольга Веретенникова, Валерия Кузьмина ды Алексей Марков.