Пятница, февраля 07, 2025
Важное

МР-ва «Защитники Отечества» СВО-нь участниктненень лездамонь коряс государственной фондось максы весеме ёндонь лезкс спецоперациянь участниктненень, тонавтнемань ды одс тонавтнемань коряскак.

 «2023 иень июнень 1-це чистэнть саезь мордовской филиалонь сотрудниктнень вельде малав 50 ветерант ды чавовозтнень семиястост 10 ламо ломанть ютасть тонавтнема питневтеме. 39 ломанть тонавтнить вузсо, 7 – средней профессиональной образованиянь заведениятнесэ, 12 ломанть ютасть квалификациянь кастомань курсат. Колмо ломанть получасть дополнительной профессиональной образования», – тешкстыть Фондсо.
 

Сетнень ютксо, кить питневтеме тонавтнить вузсо, Инсарсто боевой действиянь ветеранось Сергей Адышкин. Ульяна Матвеева социальной координаторонть вельде сон тонавтни государственной университетсэ «Государственное и муниципальное управление» специальностенть коряс.
Сергей Васильевич тукшнось фронтов эсь олясо. Сонензэ ульнесть 54 иеть. «Мон эзинь тандадо истямо иесэ тюреме Тиринь масторонок нацизмадонть олякстомтоманть кисэ. Монь касыть колмо нуцькан; мелем – сыця шкасто сынст улевель сэтьме, маней менель ало эрямост», – кортась ветеранось.
Передовойсэ цёрась ульнесь водителекс. Парсте служамонть кисэ казезель «Участнику специальной военной операции» ды «За укрепление боевого содружества» медальтнесэ. Неень шкасто важоди промышленной предприятиясо слесарекс-ремонтникекс, чокшне ланга жо тонавтни заочна, кунсолы лекцият.

 

«Мекс мон кочкия «Государственное и муниципальное управление» специальностенть? Секс мекс монь мелем лездамс ломантненень, кандомс сынст ды государстванть туртов лезэ. Штобу ломантне мондень ледстневельть ансяк паро валсо. Институтсо занятиятне ушодовсть декабрянь 1-це чистэ. Тонавтнемась моли 3 иеть 6 ковт. Нама, тонавтнемась стака, ансяк мельстуиця. Путан весе виень, бути эряви, вешнян эрявикс информация Интернетстэ», – ёвтни Сергей Адышкин.

 

Сергей Васильевич сеедьстэ вастневкшны од ломантнень марто. Покш мельсэ кортни мартост, ёвтни службадонзо ды эрьва ломаненть эрямонь прявт правилатнеде, Тиринь масторонтень вечкемадо, малавикстнэнень лездамодо. Ветеранось кеми: бути эйкакштнень видестэ трямс-кастомс, сестэ эйстэдест лисить минек сыця шкань паро полавтыцят, конатне кармить анокт куш кодамо шкасто стямс Тиринь масторонть ятто идеме.

О ГАЗЕТЕ "ЭРЗЯНЬ ПРАВДА"

Газета Эрзянь правда в настоящее время издается один раз в неделю на 16 страницах, четыре из них в цвете. Газета широко отражает вопросы общественно-политической, социально-экономической, культурной и духовной жизни республики, публикует международную информацию. «Эрзянь правда» распространяется в Оренбургской, Пензенской, Самарской, Ульяновской, Нижегородской областях, в республиках Татарстан, Чувашия, Башкортостан. Вместе с тем, для эрзян России вот уже не один год успешно функционирует электронная версия газеты, которую можно в настоящее время читать в Интернете. В этом большая заслуга всего редакционного коллектива газеты «Эрзянь правда».