МР-ва МВД-нь Следственной управлениянь следственной частень пурнавт доказательстватне сатотсть приговоронь ливтеманть туртов региононь ниле эрицятнень коряс, конатне чумондовить «Мошенничество» РФ-нь УК-нь 159 статьянь 4 пельксэнть ды «Покушение на мошенничество» РФ-нь УК-нь 159 статьянь 4 пельксэнь 30 статьянь 3 пельксэнть коряс.
Следствиясь кемекстызе, 2019 иень январьстэ саезь 2021 иень мартс чумондозтне манчесть республикань эрицятнень ды сайсть сынст эрямо таркаст, конань седе тов миилизь, ярмактнень жо явилизь эсь юткова.
Истя, вейке эрицянть, конань ульнесь долгозо квартплатань коряс ды конась пек симсь, манчицятне кортызь миемс вейке комнатас квартиранзо. Саезь ярмактнень лангс сынь алтасть рамамс тензэ седе вишкине комната ды панжомс эсензэ тев. Цёрась сёрмадстынзе весе эрявикс документтнэнь ды ёмавтынзе эрямо тарканть лангс эсь праватнень. Манчицятне мусть тензэ эрямо тарка, конань шкань ютазь истя жо пелензэ саизь. Квартиранть миизь 1 688 000 целковоень покшолмасо, ярмактнень саизь эстест.
Теке ёнксонть коряс чумондовицятне маниксэлизь эштё вейке эрицянть. Ансяк те тевденть кармась содамо зыянс понгозенть цёразо, конась пшкадсь полицияв. Истя, 2 054 000 целковойс тевесь лоткавтозель.
Манчицятнень кедьс эштё вейке понгозезь – аваломанесь. Сонзэ истя жо ульнесть кредитэнзэ ды долгозо коммунальной услугатнень кисэ. Манчицятне алтасть максомс тензэ ярмакт весе долгтнень пандомс ды кармавтызь сёрмадстомс конёвтнень, конатнень авась эзинзе ловно. Весементь коряс сон ёмавтызе эрямо тарканзо. Манчицятне квартиранть шкань ютазь миизь 1 987 000 целковойде.
Теде башка, закононь колыцятнестэ вейкесь тейсь свидетельства Луховкасо модань участканть лангс, конань азорозо Саранск ошонь Администрациясь. Моданть питнезэ 1 664 000 целковойть. Васняяк участканть сон теизе содавиксэнзэ лангс, конась эзь содаяк тевденть, мейле сёрмадстызе эсензэ лангс ды бажась миемс. Ансяк полициянь важодицятне сонзэ икельдизь.
Уголовной тевень эрьва участникенть коряс судось ливтсь приговор. Истя, общей режимень колониясо ялгатненень аштема 2,5 иестэ саезь 5,5 иес.
Теде башка, 2021 иестэ модань участкатнень ды квартиратнень миемань коряс манчемань тевтнень кисэ судязель теке группань эштё вейке участникесь. Сонензэ макссть 4 иеть.