«Мордовский республиканский молодёжный центр» ГБУ-нть юрсо Саранскоень «Юнармиянь» ды «Волонтёры Победы» образовательной вейсэндявкстнэс совицятне вастневсть «Союз десантников Мордовии» республикань общественной организациянь председателенть, В. Ф. Маргелов генералонь орденэнь кавалерэнть, СВО-нь участникенть Вячеслав Петрович Бахметьев марто.

Вастовомась ютась «Диалог на равных» кортнеманть лувсо, косо пурнавозтненень меревсь макснемс сынст талновтыця кевкстемат. Мероприятиянь инжесь ёвтнесь эйкакшчидензэ ды од шкадонзо, профессиональной тевтеемадонзо ды СВО-нь таркасонть улемадонзо. Истя жо од ломантне ды Вячеслав Петрович толковизь кевкстематнень, конатне сюлмавозельть минек боецтнэнень лездамонть марто, конась максови тылстэ. Кортнесть ГосФондонь теемань эрявиксчиденть, СВО-нь участниктнень семиятненень лезксэнь максомадонть.

Истят вастовоматне лездыть од ломантненень седе парсте содамс неень шкань геройтнень обуцянь ёнкстнэде, ды мезе те истямось – улемс эсь масторонь алкуксонь патриотокс.

Вастовоманть прядовомсто Вячеслав Петрович од ломантненень мерсь: «Вечкеде эсь Масторонк! Вечкеде ды яводо покш мель тетянк-аванк туртов. Ды свал кирдеде мельсэнк: стувтсынк эсь ундоксонк, покштянк-сырькаенк, ды тынккак эйкакшонк а ледстятадызь».