Апрелень 2-це чистэ ВКонтакте Мордовия Республикань официальной пабликсэнть ютась виде эфир Мордовиясо «Защитники Отечества» СВО-нь участниктненень лездамонь Государственной фондонь филиалонь прявтонть Алексей Герасименко марто. Эфирэнть шкасто филиалонь руководителесь евтнесь Госфондонь важодемань енкстнэде, Отечествань ванстыцятненень лездамонь тевтнеде ды макссь каршо валт эрицятнень кевкстемаст лангс.
«2023 иень апрелень 3-це чистэ Российской Федерациянь Президентэсь Владимир Владимирович Путин тешкстась «Защитники Отечества» специальной военной операциянь участниктненень лездамонь Государственной фондонь теемадо Указ. Сонзэ филиалтнэ теезельть эрьва регионсо ды ушодызь важодемаст июнень 1-це чистэ саезь. Ней мереви теемс важодемань зярыя цетамот.
30 000 ламо пшкадемат састь минек фондс. Исполнительной властень органтнэнь марто вейсэнь важодеманть вельде 98% кевкстематне витезельть. Ансяк монь ули мелем кортамс аволь цифратнеде, эдь эрьва цифрась – те ломаненть уцясказо. Ней фондсонть важодемась ладязь истя, вейкине вальманть лувсо эрьва пшкадицянтень максови минек кедьстэ эрявикс лезксэсь.
Течинь чинтень Мордовия Республикасо ветерантнэнень лездамонь 90 ламо тевть. Сынь явшезь эрьва кодамо ведомствава. Боецтнэненьгак весементь чарькодемс эрси лиясто стака. Вана тесэ лездамо сакшныть минек сотрудниктне – социальной координатортнэ. Сынь лездыть витемс лисиця кевкстематнень.
Минек фондось яви лезкс истя жо маштовозь боецтнэнь ды емазь боецтнэнь семиятненень. Республикань эрьва районсонть ули социальной координатор, конась витьсынзе кевкстематнень, конатнень марто сакшныть минек ветерантнэ», – евтнесь Алексей Герасименко.
Мордовиясь кармась масторсонть васенце регионокс, косо республикань руководстванть лезксэнзэ вельде ушодовсь СВО-нь ветерантнэнь домка диспансеризациянь программась. Минек ветерантнэ ютыть диспансеризация амбулаторно-поликлинической учреждениясонть, косо ули неень шкань оборудования. 2025 иестэ 95% весе ветерантнэ, конат аштить республикасонть, ютасть эсь шумбрачинь ванкшнома. Ды масторсонть те сехте вадря невтевкстнэстэ вейкесь.
Мелят минек 98 ветерантнэ ютасть медицинань реабилитация, 141 кемекстызь шумбрачист санаторно-курортной лецямонть вельде кода эсенек санаториятнесэ, истя жо республикань томбале. Тесэ важодемантень вейсэндявсь Россиянь Социальной фондонь региононь Отделениясь ды ней республикань ветерантнэнень мереви витемс шумбрачинть минек масторонь 12 санаториятнесэ. Мезесь пек эрявикс, санаторияв ардомась питневтеме.
Инвалидностень получиця ветерантнэнень максовить кедьсэ ветямо марто специальной автомобильть, эрямо таркасонть ули «Превей кудо» система, покш технологиянь протезтнэнь явомась лезды ветерантнэнень кадовомс обществань активной членэкс.
Покш важодема «Защитники Отечества» Государственной фондось ютавты ветерантнэнь сэтьме эрямонтень тонадоманть ды важодема таркатнень муемасо лездамонть коряс.
«Минь важодтяно Эрицятнень социальной ванстомань ды занятостень министерстванть ды важодема таркатнень максыцятнень марто. Ветерантнэнень явовить важодема таркат. Ды од профессиянтень сынь тонавтнить овсе питневтеме.
Эряви меремс, цератнестэ кой-кить бажить муемс эсь пряст бизнессэ. Минек 25 ветерант панжизь эсь тевест. Миненек истя жо эрязасто лезды, невтемакс, Велень хозяйствань министерствась. Россельхозбанконть марто вейсэ тевс нолдазь «Школа фермера» лия енов а молиця проектэсь, косо уш 16 минек цератне ютасть тонавтнема ды панжить эсест фермерэнь хозяйстват. Ансяк аволь умок минек сисем ветерант тонавтнесть мекшень кирдеме.
2026 иестэ саезь эсь тевень панжомс ветеранонтень государстванть пельде доходонь апак лово максови 350 тежат целковоень покшолмасо субсидия. Ды те аволь берянь лезкс. Минек улить организацият, конат лездыть сермадомс минек ветерантнэнень грант лангс яволявтомат лезэв проекттнэнь топавтоманть туртов. Ней республикасонть ветерантнэнь эйстэ 73% важодить. Бути ветеранонть ули мелезэ важодемс, сестэ сонзэ улить эрьва кодат возможностензэ», – тешкстызе «Защитники Отечества» Госфондонь филиалонь руководителесь.
«Защитники Отечества» Госфондонь филиалонь руководителесь истя жо евтнесь ветерантнэнь адаптивной спортонтень мелень явомадонть ды од ломантнень патриотизмань лувсо кастомасонть улемадонть.