Саранск ошонь эрицясь Максим Кочетков фронтов тусь эсь олясо 2023 иень тунда. Службанть ютась Запорожской ёнкссонть, ульнесь гранатомётчикекс. Контрактонть шканзо ютамодо мейле велявтсь кудов ды вановт алов сонзэ саизь «Защитники Отечества» государственной фондонь Мордовия Республикава филиалонь специалисттнэ.
СВО-нь ветеранонть туртов прявт кевкстемакс стясь важодема таркань коряс мелявксось. Истя, Людмила Войнова социальной координаторонть лезксэнзэ вельде 2024 иень июньстэ ветеранось содавтызе СВО-нь ветерантнэнь трудовой адаптациянь ды вакансиятнень форумонть, конанть ютавтызе Фондось вейсэ Эрицятнень занятостень региононь центранть марто. Цёранть мельс тусь пищевой промышленностень важодицянь вакансиясь республикань покш предприятиятнестэ вейкесэнть. Максим вадрясто ютынзе кортамонть, медицинань комиссиянть ды тонавтнеманть, ды 2024 иень июльстэ саезь важоди предприятиясонть.
«Важодемань графикесь, зарплатась ды коллективесь – мелень коряс, – тешксты М. Кочетков. – Важодема таркав якан, прок мерят, кенярксчис! Чокшне натой кадовить виень спортонть лангс. Покш сюкпря Фондонтень ды предприятиянтень, макссть тень кандомс лезэ эсь республиканть туртов!»