Мартонь 6-це чистэ тешкстызе юбилеензэ «Эрзянь правда» газетань икелень важодицясь, МР-нь культурань заслуженной роботникесь, эрзянь мазый авась Татьяна Рябова. Татьяна Дмитриевна, ловт, пингень перть важодсь тиринь кельсэ лисиця газетасонть, ульнесь республикань малав весе районтнэсэ, ламо сёрмадсь велень эрицятнеде ды Мордовиянь прявттнэде.
Пенсияв туемадо мейлеяк сон эзинзе ёмавто сюлмотнень «Эрзянь правда» газетань коллективенть марто. Мельспарозонок, секе тев гайневтни тенек, совси инжекс.
Вана кода вечкезь ды лембестэ Татьяна Рябовадо сёрмадсь малавикс ялгазо, МР-нь Прявтонь лауреатось Тамара Баргова:
– Эсеть шкань ломанентень, седе пек ялгатень, келесь а велявтови меремс тетялемсэ: кода тонадовсь од шкава, истяк кадовинекак минсенек туртов: Танят – Тамарат. Ансяк вана покш пандонь кондят марявиця иетне кармавтыть куш ломань ютксо-икеле улемс седе мелень путыцякс: яла седе сеедьстэ малавикс ялгань лемесь ёвтави тень истя: Татьяна Дмитриевна.
Касынек! – минськак ней уш марятано тень. Эрьванть килангсо улить саевкст-изнявкст, стакачинь печтямот, кенярксов ды ризнэвтиця эскелькст – нурькинестэ, цела эрямо! Ды вана весе те эрямонть перть, ловт, минь вейсэ! Кода ушодынек малав ве шкасто важодеме «Эрзянь правдасо» – сеть шкатнестэ саезь вейсэ!
Чопавтинь ледстнематнес – арази нурькинестэ весе ёвтневи!
Васенце иетнестэ саезь кудораськенек теевсть малавиксэкс. А ловови, зяроксть сайнимизь Танят-Сашат Вирь Тавлав! Якинек пангс ды кстыйс! А кодамо чапамо ловсодо каванясть эйсэнь Рябовтне! Од иень покшчитнень, чачома читнень вейсэ тешкстнилинек! Неинек-кенярдынек, кодамо паро цёракс, паро ломанекс касы Татьяна Дмитриевнань ды Александр Семеновичень вейкине цёраст Игорь. Сыньгак, кода сехте малавикс ломаненек, пек кенярдсть тейтеренек чачомантень!
Эрямопингесь невтизе: сон кемевикс ломань, а сявтовикс неже валсояк, тевсэяк. Мезе мери – сень тейсы, валонзо эйстэ а потавтови киненьгак. Сонзэ вакссо неят эсеть асатыксэть – аволь свал монсь эрсян истямо кеме нежекс. Ансяк вана Татьяна Дмитриевна свал нолды чумон. Эдь ялгасонть а кочкить паро-берянь ёнкстнэнь, кодамо илязо уле, ялгась сон – ялга.
А мерян: весе марто сон истя. Содан, марсинь: тесэ стясь авидечинть каршо, тосо каштансто кандсь прянзо – эзь карма сюконямо покшкавтницянть ды манчицянть икеле. – Те овсе аволь сондензэ! Сондензэ вана те – зярдо видьстэ сельмс ёвты авидечиденть, манчемадонть, удалга кортнематнеде… А уш кода машты пейдевтеме! Эрьва тевенть лангс ули эсензэ вановтозо – лиясто истя теть мезентькак ёвтнесы, а лоткават пейдемадо. Мон вана пек вечксынь сонзэ ёвтнематнень «Эрзянь правдасо» минек од шкатнеде.
Весе тень кис Татьяна Дмитриевнань свал покштояк покш питнейчизэ ялгатнень ды мартонзо важодицятнень ютксояк. Кадык куш кемень иеть уш, кода сон а важоди «Эрзянь правдасо», течис лемезэ коллегатнень кельпрясо. Сонськак а максни прянзо стувтомс.
Татьяна Дмитриевнань содамочитне пек эрявсть ды маштовсть эрзянь кельс Библиянть ютавтома тевсэнть. Сонзэ ушодксонзо ало валакавтозель-седе эрзиявтозель «Псалтиресь», ней истя жо ловновить-анокставить Ташто Вейсэньлувонь ламо книгатнеяк.
Танякай, эрямо ким лангсо ялгинем! Кадык седе кувать а лепштить иетне, сатост вийтне теемс теть ламо паро тевть, улемс нежекс ды кенярксокс эриялгат туртов – Сашанень ды тынк эйкакштнень-нуцькатнень туртов! Шумбрачи ды уцяска семиянк туртов!
Вечкевикс Татьяна Дмитриевна! Ёвтатано поздоровт юбилеенк кувалма. Арсетяно кеме шумбрачи тыненк ды весе малавиксэнк туртов, уцяска, мелеть-бажамот топавтома. Кадовт истямо жо паронь арсиця, ламонь содыця, стака шкасто лездамо снартыця тейтерь-авакс. Свал учотано инжекс!
«Эрзянь правда» газетань коллективесь
Вана кода вечкезь ды лембестэ Татьяна Рябовадо сёрмадсь малавикс ялгазо, МР-нь Прявтонь лауреатось Тамара Баргова:
– Эсеть шкань ломанентень, седе пек ялгатень, келесь а велявтови меремс тетялемсэ: кода тонадовсь од шкава, истяк кадовинекак минсенек туртов: Танят – Тамарат. Ансяк вана покш пандонь кондят марявиця иетне кармавтыть куш ломань ютксо-икеле улемс седе мелень путыцякс: яла седе сеедьстэ малавикс ялгань лемесь ёвтави тень истя: Татьяна Дмитриевна.
Касынек! – минськак ней уш марятано тень. Эрьванть килангсо улить саевкст-изнявкст, стакачинь печтямот, кенярксов ды ризнэвтиця эскелькст – нурькинестэ, цела эрямо! Ды вана весе те эрямонть перть, ловт, минь вейсэ! Кода ушодынек малав ве шкасто важодеме «Эрзянь правдасо» – сеть шкатнестэ саезь вейсэ!
Чопавтинь ледстнематнес – арази нурькинестэ весе ёвтневи!
Васенце иетнестэ саезь кудораськенек теевсть малавиксэкс. А ловови, зяроксть сайнимизь Танят-Сашат Вирь Тавлав! Якинек пангс ды кстыйс! А кодамо чапамо ловсодо каванясть эйсэнь Рябовтне! Од иень покшчитнень, чачома читнень вейсэ тешкстнилинек! Неинек-кенярдынек, кодамо паро цёракс, паро ломанекс касы Татьяна Дмитриевнань ды Александр Семеновичень вейкине цёраст Игорь. Сыньгак, кода сехте малавикс ломаненек, пек кенярдсть тейтеренек чачомантень!
Эрямопингесь невтизе: сон кемевикс ломань, а сявтовикс неже валсояк, тевсэяк. Мезе мери – сень тейсы, валонзо эйстэ а потавтови киненьгак. Сонзэ вакссо неят эсеть асатыксэть – аволь свал монсь эрсян истямо кеме нежекс. Ансяк вана Татьяна Дмитриевна свал нолды чумон. Эдь ялгасонть а кочкить паро-берянь ёнкстнэнь, кодамо илязо уле, ялгась сон – ялга.
А мерян: весе марто сон истя. Содан, марсинь: тесэ стясь авидечинть каршо, тосо каштансто кандсь прянзо – эзь карма сюконямо покшкавтницянть ды манчицянть икеле. – Те овсе аволь сондензэ! Сондензэ вана те – зярдо видьстэ сельмс ёвты авидечиденть, манчемадонть, удалга кортнематнеде… А уш кода машты пейдевтеме! Эрьва тевенть лангс ули эсензэ вановтозо – лиясто истя теть мезентькак ёвтнесы, а лоткават пейдемадо. Мон вана пек вечксынь сонзэ ёвтнематнень «Эрзянь правдасо» минек од шкатнеде.
Весе тень кис Татьяна Дмитриевнань свал покштояк покш питнейчизэ ялгатнень ды мартонзо важодицятнень ютксояк. Кадык куш кемень иеть уш, кода сон а важоди «Эрзянь правдасо», течис лемезэ коллегатнень кельпрясо. Сонськак а максни прянзо стувтомс.
Татьяна Дмитриевнань содамочитне пек эрявсть ды маштовсть эрзянь кельс Библиянть ютавтома тевсэнть. Сонзэ ушодксонзо ало валакавтозель-седе эрзиявтозель «Псалтиресь», ней истя жо ловновить-анокставить Ташто Вейсэньлувонь ламо книгатнеяк.
Танякай, эрямо ким лангсо ялгинем! Кадык седе кувать а лепштить иетне, сатост вийтне теемс теть ламо паро тевть, улемс нежекс ды кенярксокс эриялгат туртов – Сашанень ды тынк эйкакштнень-нуцькатнень туртов! Шумбрачи ды уцяска семиянк туртов!
Вечкевикс Татьяна Дмитриевна! Ёвтатано поздоровт юбилеенк кувалма. Арсетяно кеме шумбрачи тыненк ды весе малавиксэнк туртов, уцяска, мелеть-бажамот топавтома. Кадовт истямо жо паронь арсиця, ламонь содыця, стака шкасто лездамо снартыця тейтерь-авакс. Свал учотано инжекс!
«Эрзянь правда» газетань коллективесь