Ноябрянь васенце чистэнть саезь кармась важодеме СВО-нь участникенть статусонзо документтэме кемекстамонь системась. Аравтозь вейкине документэнь образец, конань коряс кемекстави специальной военной операциянь участникенть лемесь. Те седе шождалгавтсы тевенть ды эрязкавтсы геройтненень лезксэнь максоманть.

Эрявикс справканть мереви саемс МФЦ-стэ, военкоматтнэстэ эли воинской часттнестэ, «Госуслуги» порталстонть ды истя жо Россиянь Оборонань министерствань Военно-социальной центрасто (ВСЦ). Истя жо мереви пшкадемс ВСЦ-нь важодицятненень, конатне примить геройтнень «Защитники Отечества» фондонь филиалтнэсэ.
Истямо электронной справкась максови эрьва СВО-нь участникентень эли сонзэ семиянтень. Тень кис эрявить ансяк сехте эрявикс документтнэ. Васенце чистэнть уш максозельть 30 000 яволявтомат. ВСЦ-нь базасо важодиця информационной системась нурька шкас вешсынзе воинской частьстэ эли исполнительной властень федеральной органтнэнь пельде эрявикс максоматнень ды документтнэнь, конат кемекстыть СВО-со улеманть.

«Защитники Отечества» фондонь ды Россиянь Оборонань министерствань вейсэнь истямо важодемась максы седеяк покш лезкс минек геройтненень. Теке марто лезды фондонь социальной координатортнэнень шкастонзо ушодомс важодеманть демобилизованной военнослужащейтнень марто. Ветерантнэ ды сынст семиятне кармить куроксто муеме каршо вал талновтыця кевкстематнень лангс. Те седеяк шождалгавтсы лезксэнь максоманть.