Мордовиясо Саранскоень шожда промышленностень предприятиятне вейсэндявсть икеле судязетненень важодема таркатнень максомань коряс проектэнтень. Кевкстеманть эрявиксчись аволь весть толковавсь федеральной промкстнэсэ.
Республикасонть проектэсь топавтови Мордовиянь Прявтонть лезксэнзэ вельде Стратегической инициативатнень агентстванть ды региононь сервисной уполномоченнойтнень марто вейсэ. Икеле судязетнень социализациянь коряс Мордовиянь решениясь совась вете сехте вадрятнень юткс АСИ-нь тонавтомань программанть коряс, республикань опытэнть уш анокт саемс шабра регионтнэ.
Маень 10-це чистэ производствань площадкатнес, косо уш важодить судимость марто ломантне, сакшнось Мордовиянь Прявтось Артём Здунов. Кавонест предприятиятне, конат вейсэндявсть проектэнтень, аштить Саранскойсэ. «Спрутс» ООО-сь икеле стась ансяк спортонь оршамопельть, мелят производствась кармась нолдамо продукция армиянть туртов. Тесэ стыть маскировкань комплектт, удомань кескавт, балаклават ды ламо лия мезе. «Волкот» ООО-сь нолды эрьва кодат оршамопельть. Гособоронзаказонть лувсо предприятиясь истя жо нолды бронежилетт ды спецоршамопельть.
Республикань Прявтонтень невтизь производстванть, ёвтнесть: предприятиясь прими участия икеле судязетненень важодема таркатнень максомань коряс проектэнть топавтомасо. Тесэ истя жо важодить ломанть, кить лиссть олячинь саемань таркатнестэ. А ули одокс, бути ёвтасынек, важодема таркатнень максыцятне лиясто аволь покш мельсэ саить эсь предприятиятнес судимость марто сотрудниктнень. Куш эрямонь самай те шкастонть ломанентень эряви важодема, те социализациянь прявт пелькс, вадря эрямос велявтома. Те аволь ансяк официальной ды вадрясто пандовиця важодема, истя жо возможность келейгавтомс социальной сюлмотнень, марямс обществанть туртов эсь эрявиксчинть.
Маень 10-це чистэ производствань площадкатнес, косо уш важодить судимость марто ломантне, сакшнось Мордовиянь Прявтось Артём Здунов. Кавонест предприятиятне, конат вейсэндявсть проектэнтень, аштить Саранскойсэ. «Спрутс» ООО-сь икеле стась ансяк спортонь оршамопельть, мелят производствась кармась нолдамо продукция армиянть туртов. Тесэ стыть маскировкань комплектт, удомань кескавт, балаклават ды ламо лия мезе. «Волкот» ООО-сь нолды эрьва кодат оршамопельть. Гособоронзаказонть лувсо предприятиясь истя жо нолды бронежилетт ды спецоршамопельть.
Республикань Прявтонтень невтизь производстванть, ёвтнесть: предприятиясь прими участия икеле судязетненень важодема таркатнень максомань коряс проектэнть топавтомасо. Тесэ истя жо важодить ломанть, кить лиссть олячинь саемань таркатнестэ. А ули одокс, бути ёвтасынек, важодема таркатнень максыцятне лиясто аволь покш мельсэ саить эсь предприятиятнес судимость марто сотрудниктнень. Куш эрямонь самай те шкастонть ломанентень эряви важодема, те социализациянь прявт пелькс, вадря эрямос велявтома. Те аволь ансяк официальной ды вадрясто пандовиця важодема, истя жо возможность келейгавтомс социальной сюлмотнень, марямс обществанть туртов эсь эрявиксчинть.