Спецоперациянь ветерантнэ вастневить школасо тонавтницятнень марто

Подробности: Категория: Общество; Опубликовано: 13 февраля 2025

МР-ва «Защитники Отечества» фондонь филиалось ютавты школатнесэ вастовомат, ков сакшныть спецоперациянь ветерантнэ ды школасо тонавтницятне, тенень лездыть социальной координатортнэ.

Саранскоень 33-це № школасо ютась мужествань урок СВО-нь ветеранонть Михаил Митрофанов марто. Спецоперациясо сон ульнесь контрактникекс 2022 иень февральстэ саезь, ульнесь противовоздушной оборонань войскатнень отделениянь командирэкс. Харьков ошонть вакссо ялгатнень идеманть кисэ казевсь Суворовонь медальсэ. Ветеранось евтнесь 6-це классо тонавтницятненень, кие истямось масторонь ванстыцясь ды мекс эряви вечкемс тиринь енксонть.

Ромоданова поселкань 2 № школань 8-це ды 10-це класстнэсэ тонавтницятнень марто вастневсь спецоперациянь ветеранось Рафаиль Алимов. Фронтов сон туекшнесь 2022 иестэ доброволецэкс, казезь «За отвагу» медальсэ. Вастовомась алтазель Сталинградонь тюремасо немецень-фашистэнь войскатнень маштомаст чинтень.

Рузаевкань 1-це № гимназиянь тонавтницятнень марто вастневсь спецоперациянь ветеранось Виталий Чудаев. 2022 иестэ саезь 2023 иес сон ютась контрактонь коряс военной служба специальной военной операциянь зонасо, ульнесь материальной обеспечениянь автомобильной ротань водителекс.
Ицялбуень Рождественской школасо ульнесь Денис Сурайкин выпускникесь. Церась евтнесь, косо ютась военной служба, мезе моли передовойсэ, минек масторонь военнослужащейтнень подвигтест ды эйкакштнень серматнеде, конат пек лездыть воинтнэнень фронтсо.

Зубова-Полянань райононь Уголковской школасо ютась мужествань урок, ков сакшнось те школань прядыцясь, СВО-нь ветеранось Кайрат Хажантаев. Спецоперациясо сон ульнесь доброволецэкс. Эйкакштне эсь сельмесэст неизь – алкуксонь геройтне эрить вакссост, апелемась, тиринь масторонтень вечкемась – те алкуксонь ломанень, Россиянь эрицянь вадря пример.

О ГАЗЕТЕ "ЭРЗЯНЬ ПРАВДА"

Газета Эрзянь правда в настоящее время издается один раз в неделю на 16 страницах, четыре из них в цвете. Газета широко отражает вопросы общественно-политической, социально-экономической, культурной и духовной жизни республики, публикует международную информацию. «Эрзянь правда» распространяется в Оренбургской, Пензенской, Самарской, Ульяновской, Нижегородской областях, в республиках Татарстан, Чувашия, Башкортостан. Вместе с тем, для эрзян России вот уже не один год успешно функционирует электронная версия газеты, которую можно в настоящее время читать в Интернете. В этом большая заслуга всего редакционного коллектива газеты «Эрзянь правда».