Пятница, марта 29, 2024
Важное

«Монь цёрам – алкуксонь патриот. Влад ведь алга укшномань коряс спортонь мастер, виень коряс анокстазь. Лисезь берянь тевсэнть цёрам соды, кода эсь прянть ветямс ды мезе теемс…» – ёвтни од цёранть тетязо Сергей САВЕЛЬЕВ.


2020 иень июленть прядовомсто Саранск ошонь пожаронь-идемань службав сась пачтямо Кооперативной ульцясо аштиця гаражсонть кирваземадо. Те шкастонть кажонь лисема тарканть эйстэ аволь васоло ульнесь Владислав Савельев, кона васенцекс капшась лездамо.
Од цёранть валонзо коряс, гаражонть эйстэ эри аволь васоло ды те шкастонть полавтыль автомашинань чарытнень, апак учне неизе качамонть, сеске чийсь тов. Неявсь, толось гаражонть эйстэ юты шабра кудонь латонтень, косо кенкшесь панжозель келес. Влад сеске совась строявксонть потс. Тандадомадонть ломантне талность. Цёрась кевкстинзе, косо ашти щитокось, мадстизе светэнть ды лездась кудонь эрицятненень лисемс ульцяв.

Те происшествиянть неицятне покш сюкпря ёвтасть 3№ школань директоронтень сынст воспитанникенть кис. Сынь пачтясть: од цёрась, минутаньгак апак ёмавто, ёртовсь ломантненень лездамо. Сынст валост коряс, гаражонть эйстэ аволь васоло ульнесь сэнь уштомапель марто баллон, кона куш кодамо шкасто аноколь сезевемс. Од цёрась весементь теизе покш зыянонть а нолдамга. «Пек ответственной од ломанесь тонавтнесь минек школасо, минь мельспаросотано сонзэ кувалма», – корты 3 № школань директорось.
Гаражтнень эйстэ толось кармась ютамо маласо аштиця кудонтень, косо эрясь пенсионерка. Тандадомадонть аванть ёжозо апаркстомсь. Владислав тензэ куроксто макссь медицинань васенце лезкс, теде мейле тердсь куроконь лезксэнь максыцят.
Владислав Савельев чачсь 2002 иестэ, прядызе Саранск ошонь 3 № средней школанть.
 

О ГАЗЕТЕ "ЭРЗЯНЬ ПРАВДА"

Газета Эрзянь правда в настоящее время издается один раз в неделю на 16 страницах, четыре из них в цвете. Газета широко отражает вопросы общественно-политической, социально-экономической, культурной и духовной жизни республики, публикует международную информацию. «Эрзянь правда» распространяется в Оренбургской, Пензенской, Самарской, Ульяновской, Нижегородской областях, в республиках Татарстан, Чувашия, Башкортостан. Вместе с тем, для эрзян России вот уже не один год успешно функционирует электронная версия газеты, которую можно в настоящее время читать в Интернете. В этом большая заслуга всего редакционного коллектива газеты «Эрзянь правда».