Четверг, мая 06, 2021
Важное


ЮТАЗЬ ОЙМСЕМА ЧИТНЕСТЭ ПОКШ БЕРЕЗНИКЕНЬ МУНИЦИПАЛЬНОЙ РАЙОНОНЬ НИКОЛАЕВКА ВЕЛЕНТЬ МАЛАСО ЮТАВТОВСЬ СУРАНЬ ВАНСТОМАНЬ (ОБОРОНИТЕЛЬНОЙ) РУБЕЖЕНТЬ ВОЕННО-ИСТОРИЧЕСКОЙ РЕКОНСТРУКЦИЯСЬ.
ТЕ МЕРОПРИЯТИЯСЬ АЛТАВСЬ СОНЗЭ СТРОЯМОНЬ 78 ИЕТНЕНЕНЬ ДЫ ИНЕ ОТЕЧЕСТВЕННОЙ ВОЙНАСОНТЬ ИЗНЯМОНЬ 75 ИЕТНЕНЬ ТОПОДЕМАНТЕНЬ.

Те чистэнть те таркантень пурнавкшность 400 ламо эрьва кодамо иесэ ломанть, сехте ламотне юткстост – одт. Тов састь Орданьбуень, Отяжелень, Дубенкань, Кочкурбуень, Лямбирень, Ромодановань, Ташто Шайговань, Зубова-Полянань, Покш Березникень районтнэстэ ды мик Чувашия Республикасто. Военной шкань исторической событиятнень ваномо пурнавсть республикань лия районтнэстэ ды оштнестэ.
Эрьванень тесэ муевсь тев. Веенст чувсть окопт, омбонсттнэ вирьстэ пурнасть пенгеть, штобу кирвазтемс толбандят. Цёрынетне ды тейтерькатне кандтнесть лавтовост лангсо чочкот окоптнень кемекстамга.

МР-со ОНФ-нь активистэнть, Мордовиянь 1941-1945 иетнень войнань ды трудонь подвигень мемориальной музеень прявтонть Н.А.Кручинкинэнь валонзо коряс, сеть шкатнестэ пек якшамоль, 40 градустнэнь пингстэ ломантне топавтсть Ине тев. Самай сынь коймесэ, ломсо кавшакавтсть кельмезь моданть, чувсть окопт, тейсть модапотсо кудынеть, командной пунктт ды дотт. Ламот юткстост кельмекшнесть, ормалгадокшность ды мик кулость.

– Сурань рубежесь – те 80 вайгельбень покшолмасо танконь а нолдамонь латкот, траншеят, окопт ды блиндажт, – мерсь Н.А.Кручинкин. Войнань стака иетнестэ сон кепедевсь Сура леень вить чиресэнть. Рубеженть теемань тувталось ульнесь пирямс кинть ятонть эйстэ Куйбышев (ней Самара) ошонтень. Сонзэ эйсэ тейсть Мордовиянь тёжат ломанть, ютксост седе ламотне тейтерь-ават ды од ломанть. 1942 иень якшамковонь читнестэ сон теевсь! Сон теевсь пек нурька шкас, ниленьгемень вете чис!

Реконструкциянть ютавтомадо мейле сехте партнэнень Мордовиясо ОНФ-нь региононь отделениянть пельде максозь сувенирт ды тантей казнеть. Седе тов весе каванязельть ликшань кашадо ды пси чайде, конась теезель Народной фронтонь активистэнть Павел Краснопольскоень лезксэнь максомань вельде. Текенень поладсынек, МР-со ОНФ-с совицятнень вельде пурнавить кулят Сурань ванстомань (оборонительной) рубеженть коряс, кона Ине Отечественной войнань иетнестэ ульнесь масторонь стратегической эрявикс объектэкс. Ине Изнямонь 75 иетнень тешкстамонтень анокстави книга, косо ёвтневи сеть стака тевтнеде.

Валентина ЮДИНА
 

О ГАЗЕТЕ "ЭРЗЯНЬ ПРАВДА"

Газета Эрзянь правда в настоящее время издается один раз в неделю на 16 страницах, четыре из них в цвете. Газета широко отражает вопросы общественно-политической, социально-экономической, культурной и духовной жизни республики, публикует международную информацию. «Эрзянь правда» распространяется в Оренбургской, Пензенской, Самарской, Ульяновской, Нижегородской областях, в республиках Татарстан, Чувашия, Башкортостан. Вместе с тем, для эрзян России вот уже не один год успешно функционирует электронная версия газеты, которую можно в настоящее время читать в Интернете. В этом большая заслуга всего редакционного коллектива газеты «Эрзянь правда».