Пятница, марта 29, 2024
Важное

Ноябрянь 22-25-це читнестэ «Музыка единства: диалог культур и основа межэтнического согласия» Президентской грантонь фондонь конкурсонь проектэнть-изницянть тевс совавтоманть лувсо, конань анокстызь «Национальная безопасность и наука» ИАЦ-нь АНО-сь Мордовия Республикань Антитеррористической комиссиянь аппаратонть, Культурань, национальной политикань ды архивень тевень министерстванть ды «Исламский культурный центр» ЧУ-нть лезксэст вельде, ютавтозель Татарстанов этнокультурной экспедиция.
Андрей Николаевень прявтсо этнографтнень ды музыканттнэнь группась содавтынзе Татарстан Республикань Пестречинской ды Камско-Устьинской районтнэнь. Тосо ванстовсь фольклорно-этнографиянь лиятнень ёнов а молиця материал, конань пингеть пурнасть кряшентнэ ды каратайтне.

Экспедициянтень совицятне содавтовсть вишка раськетнень койтнень-кирдатнень марто, сайсть интервью тосонь эрицятнень пельде, снимсесть фотот ды тейсть видеот коень культурань весе жанратнень коряс.

Экспедициянть важодемасо покш путовксост Казаньстэ музыковедэнть-фольклористэнть Геннадий Макаровонь, кона кементь иетнень перть тонавтни кряшентнэнь культураст, ды Татарстан Республикань эрзя-мокшонь республиканской национальной культурной автономиянь председателенть Сергей Новиковонь. Кряшентнэнь ды каратайтнень музыкальной коллективтнень шкинемань тевтеемадост пурназь сынст материалост саеви «Истоки творчества» фильманть лувокс. Эйсэнзэ карми ёвтневеме вишка раськетнень вейсэнь шкинемадост, сень лангс апак вано, кодамо кемемантень сынь кандовить: православиянтень эли исламонтень. Самай истя музыкальной творчестванть лувсо невтеви аволь ансяк вишка раськетнень ютксо вейсэндявоманть эрявиксчись, истя жо Мордовиясо ды Татарстансо раськетнень ютксо од ушодкстнэнь тееманть коряс покш ды эрявикс важодемась.

Кряшентнэнь ды каратайтнень лиятнень ёнов а молиця морамост марто, истя жо эрзятнень-мокшотнень фольклорной коест-кирдаст марто ваныцятне содавтовить сы иень январьстэ.

Эряви тешкстамс, фильмась вейсэндясынзе аволь ансяк эрьва кодамо раськень творческой коллективтнень, истя жо эрьва кодамо иесэ ваныцятнень. Самай истя топавтови проектэнть вешематнестэ вейкесь – вейсэндямс неень шкань обществанть сэтьмечинь, ояксчинь, раськетнень ютксо ладямонь ды вейсэ од ушодксонь теемань мельсэ-бажамосо.
 

О ГАЗЕТЕ "ЭРЗЯНЬ ПРАВДА"

Газета Эрзянь правда в настоящее время издается один раз в неделю на 16 страницах, четыре из них в цвете. Газета широко отражает вопросы общественно-политической, социально-экономической, культурной и духовной жизни республики, публикует международную информацию. «Эрзянь правда» распространяется в Оренбургской, Пензенской, Самарской, Ульяновской, Нижегородской областях, в республиках Татарстан, Чувашия, Башкортостан. Вместе с тем, для эрзян России вот уже не один год успешно функционирует электронная версия газеты, которую можно в настоящее время читать в Интернете. В этом большая заслуга всего редакционного коллектива газеты «Эрзянь правда».