МАРТОНЬ 25-це ЧИСТЭ ЭСЬ КЕНЯРКСЧИСТ ТЕШКСТЫЗЬ КУЛЬТУРАСО ВАЖОДИЦЯТНЕ. ТЕНЬ КОРЯС КЕНЯРКСЧИНЬ ВАСТОВОМА ЮТАСЬ РЕСПУБЛИКАНЬ КУЛЬТУРАНЬ КУДОСО.
ИСТЯ ЖО ТЕСЭ ПАНЖОВСЬ РОССИЯНЬ РАСЬКЕТНЕНЬ КУЛЬТУРАНЬ СЮПАВЧИНЬ ИЕСЬ. ВАСЕНЦЕ ДЫ ОМБОЦЕ ЭТАЖСОНТЬ ВАЖОДСТЬ РАСЬКЕНЬ ХУДОЖЕСТВЕННОЙ ПРОМЫСЛАНЬ ЭРЬВА КОДАТ ВЫСТАВКАТ: ВИКШНЕМАНЬ, ОРШАМОПЕЛЕНЬ СТАМОНЬ, ЧУВТОСТО КЕРСЕМАНЬ, НЯКАНЬ ТЕЕМАНЬ, ГОНЧАРОНЬ РЕМЕСЛАНЬ. МИНЕК ТЕАТРАТНЕ НЕВТСТЬ ВИШКА ПУТОВКСТ, МУЗЕЙТНЕ АНОКСТАСТЬ ЭСЕСТ ПРОГРАММА. «МЕРЕМА» ЭТНОГРАФИЯНЬ ФОЛЬКЛОРНОЙ СТУДИЯСЬ КЕЦЯВТСЬ ВЕСЕНЬ ЭРЗЯНЬ ДЫ МОКШОНЬ МОРОСО.
Лембе вал марто инжетнень туртов пшкадсь Мордовия Республикань Прявтось А. А. Здунов.
– Весе седейстэ ёвтан лембе валт ламо тёжань коллективентень, кона важоди республикань творческой кисэнть. Неть аволь шожда шкатнестэ минь ванстынек коллективтнень, тонавтыцятнень. Поладынек строямо-стявтомо культурань объекттнэнь, культурань кудотнень. Зяро иеть мольсь витнема-петнема Рузаевкань Ухтомский лемсэ Культурань кудосонть! Ней сон важоди. Мелят панжинек Универсальной залонть, косо ютавтовить спортонь ды культурань покшчить. Культуранть виевгавтомга ламо важодтяно Рузонь Православной Церькованть марто. Седе товгак поладтано важодеме, стявтомо ды витнеме-петнеме культурань кудотнень, тевс нолдамо грантонь лезксэнть. Саемга, Культурань инициативань Президентэнь фондось максы паро лезкс.
Сюкпря сетненень, кить анокстыть ды ютавтыть покш фестивальтнень, истятнэнь, кода: рузонь драмань «Соотечественники» раськеютконь фестивалесь, «Эрьзя Fest», «Вейсэ джаз» ды лият.
Минек чачсть ламо од проектт – «Россиянь музеень маршрутт», «Пушкинэнь карта». Ушодсь важодеме эйкакшонь национальной симфонической оркестрась. Истят тевтнесэ эряви лездамс, эряви лездамс од ломантненень, кадык сынь ютыть виде киланга, – кортась Артём Алексеевич.
Мордовия Республикань Прявтось истя жо кортась 2022 иестэ тешкставиця Россиянь Раськетнень культурань сюпавчинь иеденть. Тень коряс арсеви ютавтомс ламо вастовомат, кенярксчить, покш тевекс кармить жанрань коряс декадатне – раськень моронь, киштемань, коень-кирдань, лия покшчинь.
Теде мейле ушодовсь государственной казнень максомась. РФ-нь Президентэнь Почётонь грамотасо казевсь МР-нь эйкакшонь хореографической школань прявтось Н. Б. Мельник.
«За заслуги перед Республикой Мордовия» медальсэ казевсь артыцясь М. В. Салдаев.
«МР-нь культурань заслуженной роботник» лем макссть А. С. Пушкин лемсэ Национальной библиотекань раськень ды краеведениянь литературань отделэнь прявтонтень Н. В. Бочканованень.
Истя жо «МР-нь культурань заслуженной роботник» лемсэ казевсь Отяжбуень райононь краеведениянь музеень прявтось Г. М. Лебедева ды лият.
«МР-нь заслуженной художник» лем макссть артыцянтень А. А. Рыбинанень.
Театрань искусствасо изнявкстнэнь кисэ «МР-нь заслуженной артист» лемсэ казевсть Эрзянь ды мокшонь раськень государственной драматической театрань артисткась Е. Н. Гудожникова ды Рузонь государственной драматической театрань артистэсь Д. А. Кручинкин.
«За личный вклад в развитие Республики Мордовия» Почётонь тешкссэ казевсь Рузонь драмань театрань артистэсь Н. П. Большаков.
Теде башка яволявтозельть «МР-нь раськень культуранть, государственной ды лия кельтнень ванстомась ды виевгавтомась» государственной программань коряс «Национальное достояние» премиянь изницятне.
«Мэтр театрального искусства Республики Мордовия» номинациясо изнясь МР-нь народной артистэсь И. Ф. Кузьмин;
«Признание. Молодые профессионалы в театральном искусстве» номинациясо – Рузонь драмань театрань артистэсь М. С. Зверев;
«Мэтр вокального искусства Республики Мордовия» – Россиянь заслуженной артисткась, Мордовиянь народной артисткась Н. В. Маркова;
«Признание. Молодые профессионалы в вокальном искусстве» – Мордовиянь государственной филармониянь морыцясь К. А. Сергеева;
«Мэтр музейного дела Республики Мордовия» – МР-нь культурань заслуженной роботникесь М. И. Сурина;
«Признание. Молодые профессионалы в музейном деле» – С. Д. Эрьзя лемсэ изобразительной искусствань музеень старшей научной сотрудникесь Е. Ю. Неяскина.
Пурнавозтнень туртов невтезель пародояк паро концерт. Киштсть ды морасть аволь ансяк ошонь коллективтне, сцена лангс лиснесть райононь артисттнэяк.
Татьяна Маторкина
Фототне: Э.Ретунский
Лембе вал марто инжетнень туртов пшкадсь Мордовия Республикань Прявтось А. А. Здунов.
– Весе седейстэ ёвтан лембе валт ламо тёжань коллективентень, кона важоди республикань творческой кисэнть. Неть аволь шожда шкатнестэ минь ванстынек коллективтнень, тонавтыцятнень. Поладынек строямо-стявтомо культурань объекттнэнь, культурань кудотнень. Зяро иеть мольсь витнема-петнема Рузаевкань Ухтомский лемсэ Культурань кудосонть! Ней сон важоди. Мелят панжинек Универсальной залонть, косо ютавтовить спортонь ды культурань покшчить. Культуранть виевгавтомга ламо важодтяно Рузонь Православной Церькованть марто. Седе товгак поладтано важодеме, стявтомо ды витнеме-петнеме культурань кудотнень, тевс нолдамо грантонь лезксэнть. Саемга, Культурань инициативань Президентэнь фондось максы паро лезкс.
Сюкпря сетненень, кить анокстыть ды ютавтыть покш фестивальтнень, истятнэнь, кода: рузонь драмань «Соотечественники» раськеютконь фестивалесь, «Эрьзя Fest», «Вейсэ джаз» ды лият.
Минек чачсть ламо од проектт – «Россиянь музеень маршрутт», «Пушкинэнь карта». Ушодсь важодеме эйкакшонь национальной симфонической оркестрась. Истят тевтнесэ эряви лездамс, эряви лездамс од ломантненень, кадык сынь ютыть виде киланга, – кортась Артём Алексеевич.
Мордовия Республикань Прявтось истя жо кортась 2022 иестэ тешкставиця Россиянь Раськетнень культурань сюпавчинь иеденть. Тень коряс арсеви ютавтомс ламо вастовомат, кенярксчить, покш тевекс кармить жанрань коряс декадатне – раськень моронь, киштемань, коень-кирдань, лия покшчинь.
Теде мейле ушодовсь государственной казнень максомась. РФ-нь Президентэнь Почётонь грамотасо казевсь МР-нь эйкакшонь хореографической школань прявтось Н. Б. Мельник.
«За заслуги перед Республикой Мордовия» медальсэ казевсь артыцясь М. В. Салдаев.
«МР-нь культурань заслуженной роботник» лем макссть А. С. Пушкин лемсэ Национальной библиотекань раськень ды краеведениянь литературань отделэнь прявтонтень Н. В. Бочканованень.
Истя жо «МР-нь культурань заслуженной роботник» лемсэ казевсь Отяжбуень райононь краеведениянь музеень прявтось Г. М. Лебедева ды лият.
«МР-нь заслуженной художник» лем макссть артыцянтень А. А. Рыбинанень.
Театрань искусствасо изнявкстнэнь кисэ «МР-нь заслуженной артист» лемсэ казевсть Эрзянь ды мокшонь раськень государственной драматической театрань артисткась Е. Н. Гудожникова ды Рузонь государственной драматической театрань артистэсь Д. А. Кручинкин.
«За личный вклад в развитие Республики Мордовия» Почётонь тешкссэ казевсь Рузонь драмань театрань артистэсь Н. П. Большаков.
Теде башка яволявтозельть «МР-нь раськень культуранть, государственной ды лия кельтнень ванстомась ды виевгавтомась» государственной программань коряс «Национальное достояние» премиянь изницятне.
«Мэтр театрального искусства Республики Мордовия» номинациясо изнясь МР-нь народной артистэсь И. Ф. Кузьмин;
«Признание. Молодые профессионалы в театральном искусстве» номинациясо – Рузонь драмань театрань артистэсь М. С. Зверев;
«Мэтр вокального искусства Республики Мордовия» – Россиянь заслуженной артисткась, Мордовиянь народной артисткась Н. В. Маркова;
«Признание. Молодые профессионалы в вокальном искусстве» – Мордовиянь государственной филармониянь морыцясь К. А. Сергеева;
«Мэтр музейного дела Республики Мордовия» – МР-нь культурань заслуженной роботникесь М. И. Сурина;
«Признание. Молодые профессионалы в музейном деле» – С. Д. Эрьзя лемсэ изобразительной искусствань музеень старшей научной сотрудникесь Е. Ю. Неяскина.
Пурнавозтнень туртов невтезель пародояк паро концерт. Киштсть ды морасть аволь ансяк ошонь коллективтне, сцена лангс лиснесть райононь артисттнэяк.
Татьяна Маторкина
Фототне: Э.Ретунский