Истямо лем ало ютась научно-практической конференция, кона алтазель эрзянь содавикс фольклористэнть, музыкантонть В. И. Ромашкинэнь чачома чистэ 70 иетнень топодемантень.
Сон мольсь онлайн-лувсо Вильянди ошонь кезэрень моронь Куншкакуросо (Эстония) ды А. С. Пушкин лемсэ Раськень библиотекасо (Мордовия). Конференцияв тердезельть финнэнь-угрань раськень моронь ды моравксонь, фольклоронь содыйтне, В.И.Ромашкинэнь ялганзо, содыцянзо ды сонзэ шкинемань вечкицянзо.
Конференциянть анокстыцясь ды ветицясь – Наталья Абросимова, философиянь докторось (культурология), «Сятко» эрзянь-мокшонь вейсэндявксонь прявтось (Таллинн ош). Мордовиянть пельде конференцияв пурнавозтнень туртов поздоровонь валт ёвтась Культурань, раськень политикань ды архивень тевень министрань васенце полавтыцясь А. И. Карьгин.
Конференциясь мольсь вете часто ламо. Эйсэнзэ кортамотне сюлмазельть В. И. Ромашкинэнь эрямонзо ды шкинеманзо марто. Келейстэ ды домкасто ванкшнозель фольклористэнть путовксозо аволь ансяк минек раськень, финнэнь-угрань весе раськетнень культураст туртов. Кортыцятнень ютксо Россиянь ды Эстониянь учёнойть. Гнесинтнэнь лемсэ музыкань Российской Академиянь хорсо ды ськамонь морамонь кафедрань доцентэсь, Московонь ошонь «Эль Арт» Камерной музыкальной театрань прявтось Ю. П. Наумкин, философиянь докторось, музыкань ды театрань Эстонской академиянь наукань прявт сотрудникесь Жанна Пяртлас ды лият. Мордовиянть пельде кортасть исторической наукань докторось, профессорось, МР-нь Правительстванть юрсо гуманитарной наукань НИИ-нь прявтось Г. А. Куршева, Н. П. Огарёв лемсэ МГУ-нь ИНК-нь музыкальной культурань кафедрань доцентэсь Т. В. Тюрина. В. И. Ромашкиндэ ледстнесть сонзэ лемсэ «Этно-кудо» музеень прявтось, «Эрьмезь» Тавлань мастертнэнь вейсэндявксонь ветицясь П. В. Рябов, В. И. Ромашкин лемсэ «Торама» ансамблянь прявтось А. В. Ромашкин, ансамблясо морыцясь, Саранск ошонь 13 № школань прявтось А. А. Учеваткин, музыкантось, «Морама» ансамблянь прявтось Г. В. Дулкин ды лият. Сыненст поладовсть Ромашкинэнь покш цёразо Виталий, кона эри Америкасо. Таллиннсэ «Сятко» вейсэндявксонь икелень прявтось Р. А. Клинова, Ромашкинэнь парсте содыцязо, эстэнь кельсэ сёрмадыцясь Каукси Юлле.
Конференцияв сазтнень туртов анокстазельть выставкат. А.С. Пушкин лемсэ библиотекасо сонзэ пурнызь национально-краеведениянь отделсэ важодицятне Н. В. Бочканова ды В. Б. Бояркина. Сынь ветясть конференциянтькак.
Конференциясь прядозель архивсэ ванстовиця видеонь невтемасо, конась ёвтни 1999 иестэ Таллиннэв «Тораманть» марто В. И. Ромашкинэнь якамодонзо. Теде мейле невтезель концерт. Морыцятне – В. И. Ромашкин лемсэ «Торама», Г. В. Дулкинэнь прявтсо «Морама», Таллиннсэ теезь «Килейне» фольклорной ансамблясо, музыкань ды театрань Эстонской академиянь морыцятне. Гайгсть бесермянонь ды удмуртонь мороткак. Сынст морынзе философиянь докторось, бесермянонь моронь содыцясь Мария Корепанова.
Раиса ЩАНКИНА
Конференциянть анокстыцясь ды ветицясь – Наталья Абросимова, философиянь докторось (культурология), «Сятко» эрзянь-мокшонь вейсэндявксонь прявтось (Таллинн ош). Мордовиянть пельде конференцияв пурнавозтнень туртов поздоровонь валт ёвтась Культурань, раськень политикань ды архивень тевень министрань васенце полавтыцясь А. И. Карьгин.
Конференциясь мольсь вете часто ламо. Эйсэнзэ кортамотне сюлмазельть В. И. Ромашкинэнь эрямонзо ды шкинеманзо марто. Келейстэ ды домкасто ванкшнозель фольклористэнть путовксозо аволь ансяк минек раськень, финнэнь-угрань весе раськетнень культураст туртов. Кортыцятнень ютксо Россиянь ды Эстониянь учёнойть. Гнесинтнэнь лемсэ музыкань Российской Академиянь хорсо ды ськамонь морамонь кафедрань доцентэсь, Московонь ошонь «Эль Арт» Камерной музыкальной театрань прявтось Ю. П. Наумкин, философиянь докторось, музыкань ды театрань Эстонской академиянь наукань прявт сотрудникесь Жанна Пяртлас ды лият. Мордовиянть пельде кортасть исторической наукань докторось, профессорось, МР-нь Правительстванть юрсо гуманитарной наукань НИИ-нь прявтось Г. А. Куршева, Н. П. Огарёв лемсэ МГУ-нь ИНК-нь музыкальной культурань кафедрань доцентэсь Т. В. Тюрина. В. И. Ромашкиндэ ледстнесть сонзэ лемсэ «Этно-кудо» музеень прявтось, «Эрьмезь» Тавлань мастертнэнь вейсэндявксонь ветицясь П. В. Рябов, В. И. Ромашкин лемсэ «Торама» ансамблянь прявтось А. В. Ромашкин, ансамблясо морыцясь, Саранск ошонь 13 № школань прявтось А. А. Учеваткин, музыкантось, «Морама» ансамблянь прявтось Г. В. Дулкин ды лият. Сыненст поладовсть Ромашкинэнь покш цёразо Виталий, кона эри Америкасо. Таллиннсэ «Сятко» вейсэндявксонь икелень прявтось Р. А. Клинова, Ромашкинэнь парсте содыцязо, эстэнь кельсэ сёрмадыцясь Каукси Юлле.
Конференцияв сазтнень туртов анокстазельть выставкат. А.С. Пушкин лемсэ библиотекасо сонзэ пурнызь национально-краеведениянь отделсэ важодицятне Н. В. Бочканова ды В. Б. Бояркина. Сынь ветясть конференциянтькак.
Конференциясь прядозель архивсэ ванстовиця видеонь невтемасо, конась ёвтни 1999 иестэ Таллиннэв «Тораманть» марто В. И. Ромашкинэнь якамодонзо. Теде мейле невтезель концерт. Морыцятне – В. И. Ромашкин лемсэ «Торама», Г. В. Дулкинэнь прявтсо «Морама», Таллиннсэ теезь «Килейне» фольклорной ансамблясо, музыкань ды театрань Эстонской академиянь морыцятне. Гайгсть бесермянонь ды удмуртонь мороткак. Сынст морынзе философиянь докторось, бесермянонь моронь содыцясь Мария Корепанова.
Раиса ЩАНКИНА