Аволь умок Ардатовань ды Атяшевань епархиянь епископось Вениамин Владыкась ульнесь Покш Березникень благочиниянь приходтнэсэ. Сон покш мель явсь неень шкане строявиця храмтненень. Пазонь литургиянть ютавтызе Шугурова велень Покровонь Пазонь Авань лемсэ приходсонть.
Ледстясынек, эрзянь кезэрень те велесэнть неень шкане стявтови од церькова, конась канды иневанькс пресвитерэнть Павел Ягодинскиень лементь.
Вейсэ Покш Березникень муниципальной райононь прявтонть Иван Игонов марто сынь ванкшнызь се тарканть, косо тееви Пазонь кудось. Ледстясынек, Павел Ягодинский чачсь 1879 иестэ Симбирской губерниясо. Служась дьяконокс Орданьбуень уездэнь Шугурова велесэ. Революциядонть мейле эзь кекше арсеманзо, 1919 иестэ видьстэ кортась седе, мезе несь.
Колоньгеменце иетнестэ сонзэ тень кисэ кавксть арестовакшнызь. Священнослужителентень Шугурова велень прявтось а весть мерекшнесь отказамс санонзо эйстэ, туемс важодеме лия таркав. Мезенть каршо сон мерсь: кулан, кемемам а кадса.
Истя, 1937 иестэ сонзэ таго арестовизь ды судизь маштомас…
Анокстызе Валентина Юдина