РФ-нь Президентэнть 2023 иень августонь 25-це чинь Указонть коряс Н. П. Огарёв лемсэ МГУ-нь Геоинформационной технологиятнень ды географиянь институтонь директоронтень Анатолий Ямашкиннэнь максовсь «Заслуженный географ Российской Федерации» почётонь лемесь.

Мордовиясо ды сонзэ томбале Анатолий Александрович содавикс кода научной ды образовательной проекттнэнь арсиця ды тевс совавтыця, конатне лездыть школасо тонавтницятненень, педагогтненень ды специалисттнэнень-практиктненень. Университетэнь ды республикань географтне сонзэ прявтсо теизь-арсизь «Мордовия» ГИС-нть, МР-нь географической атласонть, проектировазель  Мордовиясо Рузонь географической обществань геопорталось, нолдызь «Природное и культурное наследие Республики Мордовия» РГО-нь картань сериянть.