Советской Союзонь Героенть Н.А. Котельников лемсэ 39-це № школасонть панжовсь «Нить времен и поколений» военно-патриотической музей.

Музеесь, конась карми патриотической ды гражданской воспитаниянь центракс, панжовсь тетянь-авань сообществань ушодксонь пелькстамосонть изнямонть вельде. Те пелькстамонть ютавтызь «Знание» Россиянь вейсэндявксось ды РФ-нь Минпросвещениясь.

Музеенть панжомо сакшность Героенть правнуцьканзо – Виталий ды Анна Котельниковтне, СВО-нь ветерантнэ, властень представительтне, конатнень ютксо – МР-нь Госсобраниянь Председателень полавтыцясь Наталья Долматова. Сон тешкстызе поколениятнень ютксо кеме сюлмотнень эрявиксчинть: «Музеень экспозициясь карми просветительской важодемань куншкакурокс, конась лезды ванстомс минек раськенть подвигензэ. Истят музейтне лездыть эйкакштнень патриотической лувсо кастомасонть».

«Нить времен и поколений» военно-патриотической музеень экспозициясь евтни Ине Отечественной войнань стака шкатнеде ды неень эрямодонть. Тесэ невтневить фронтсто кучозь сермат, фотографият, наградат…